ສອບຖາມບັນຫາກ່ຽວກັບລັດວິສາຫະກິດໄຟຟ້າລາວ
ການບໍລິການ
- ພາຍຫຼັງຊໍາລະຄ່າຕິດຕັ້ງໝໍ້ນັບໄຟໃໝ່ແມ່ນໃຊ້ໄລຍະເວລາເທົ່າໃດເຖິງຈະມາຕິດຕັ້ງໃຫ້ ?
- ສາຍດ່ວນ 1199 ຕິດຕໍ່ຍາກຫຼາຍ ໂທຍາມໃດສາຍບໍ່ວ່າງຕະຫຼອດ, ສາເຫດເປັນຍ້ອນຫຍັງ ?
- ການຊຳລະເງິນຄ່າກະແສໄຟຟ້າ ແມ່ນສາມາດຊຳລະຜ່ານຊ່ອງທາງໃດໄດ້ແດ່?
- ຍ້ອນຫຍັງ ເວລາມີບັນຫາໄຟຟ້າແລ້ວໂທແຈ້ງ ແຕ່ຜ່ານໄປ 2-3 ຊົ່ວໂມງກໍຍັງບໍ່ມາສ້ອມແປງ ແລະ ເປັນຫຍັງໄຟຟ້າດັບແຕ່ລະຄັ້ງ ຈຶ່ງໃຊ້ເວລາໃນການສ້ອມແປງດົນ ?
- ສາຍດ່ວນ 1199 ມີໜ້າທີ່ຫຍັງແດ່?
- ພະນັກງານຈົດເລກກົງເຕີໄຟແບບເດົາ ບໍ່ມາຈົດໂຕເລກທີ່ຖືກຕ້ອງລະອຽດ.
- ໝໍ້ນັບໄຟມີທັງໝົດຈັກປະເພດ? ມີຈັກຂະໜາດ?
- ຂໍໃຫ້ພະນັກງານກວດກາໝໍ້ນັບໄຟ ລົງກວດກາໃຫ້ທົ່ວທຸກຫຼັງຄາເຮືອນ.
ຍ້ອນຫຍັງ ເວລາມີບັນຫາໄຟຟ້າແລ້ວໂທແຈ້ງ ແຕ່ຜ່ານໄປ 2-3 ຊົ່ວໂມງກໍຍັງບໍ່ມາສ້ອມແປງ ແລະ ເປັນຫຍັງໄຟຟ້າດັບແຕ່ລະຄັ້ງ ຈຶ່ງໃຊ້ເວລາໃນການສ້ອມແປງດົນ ?
ເວລາມີບັນຫາໄຟຟ້າແລ້ວໂທແຈ້ງ ແຕ່ຜ່ານໄປ 2-3 ຊົ່ວໂມງກໍຍັງບໍ່ມາສ້ອມແປງນັ້ນ ກໍລະນີຊັກຊ້າແມ່ນອາດເປັນຍ້ອນສະຖານທີ່ທີ່ປະສົບບັນຫາຢູ່ໄກ ຫຼື ເວລາໂມງລົດຕິດ, ການສັນຈອນ ປະຕິບັດໜ້າທີ່ໃນຕອນກາງເວັນຈະພົບກັບບັນຫາການຈາລະຈອນທີ່ແອອັດຢ່າງຫຼວງຫຼາຍ ຫຼື ໃນກໍລະນີ ເກີດບັນຫາຫຼາຍຈຸດກໍຈຳເປັນຕ້ອງຂໍຄວາມຊ່ວຍເຫຼືອຈາກພາກສ່ວນກ່ຽວຂ້ອງອື່ນໆໄປແທນ ອາດເປັນໄດ້ບາງກໍລະນີ, ສາເຫດຕ່າງໆດັ່ງທີ່ກ່າວມານີ້ກໍເປັນສາເຫດຫຼັກທີ່ເຮັດໃຫ້ເກີດຄວາມຊັກຊ້າໃນການບໍລິການ. ໄລຍະເວລາທີ່ໃຊ້ໃນການສ້ອມແປງ ຫຼື ແກ້ໄຂໄຟດັບແຕ່ລະຄັ້ງແຕກຕ່າງກັນຍ້ອນມີຫຼາຍສາເຫດ ເປັນຕົ້ນ: ເກີດຈາກໄພທຳມະຊາດ ທີ່ເຮັດໃຫ້ຕົ້ນໄມ້ໄປຕິດກັບແລວສາຍ ຫຼື ຫັກທັບສາຍໄຟ, ສາຍໄຟຂາດ, ກະລິບລົ້ມ ເຊິ່ງຈຳເປັນຕ້ອງໄດ້ມອດໄຟບາງ Feeder ຊົ່ວຄາວ ຫຼື ໂອນໄຟມາໃຊ້ແທນ ແມ່ນໃຊ້ເວລາ 1-2ຊົ່ວໂມງ, ຊົ່ວໂມງລົດຕິດ, ເກີດເຫດໄຟຟ້າຕິດຂັດພ້ອມກັນຫຼາຍຈຸດ ຫຼື ບຳລຸງຮັກສາຕາຂ່າຍ, ອຸປະກອນປ່ຽນຖ່າຍບໍ່ສາມາດຕອບສະໜອງໄດ້ຕາມເວລາ, ຫຼືກໍລະນີຟິວໄໝ້ ກໍຕ້ອງໄດ້ດັບໄຟ ແລະ ໃຊ້ເວລາປ່ຽນຖ່າຍອຸປະກອນ 1-2ຊົ່ວໂມງເຊັ່ນດຽວກັນ ຫຼື ກໍລະນີກົງເຕີໄໝ້ ກໍຈຳເປັນຕ້ອງໄດ້ມອດແລ້ວຕັດຕໍ່ໄຟກ່ອນ ອາດຈະໃຊ້ເວລາ 1ຊົ່ວໂມງເປັນຢ່າງຕ່ຳ.