ການຊຳລະເງິນຄ່າກະແສໄຟຟ້າ ແມ່ນສາມາດຊຳລະຜ່ານຊ່ອງທາງໃດໄດ້ແດ່?
ການຊຳລະຄ່າກະແສໄຟຟ້າ ໃນປະຈຸບັນແມ່ນສາມາດຊຳລະໄດ້ຫຼາຍຊ່ອງທາງ ແລະ ສະດວກສະບາຍຍິ່ງຂຶ້ນ ເຊັ່ນ:
- ຊຳລະຜ່ານໜ່ວຍບໍລິການໄຟຟ້າທີ່ຢູ່ໃກ້ບ້ານທ່ານ.
- ຊຳລະຜ່ານທະນາຄານ ເຊິ່ງໃນປະຈຸບັນມີທະນາຄານທີ່ຮັບຊຳລະຄ່າກະແສໄຟຟ້າ 03 ທະນາຄານຄື: ທະນາຄານການຄ້າຕ່າງປະເທດລາວ, ທະນາຄານພັດທະນາລາວ ແລະ ທະນາຄານຮ່ວມພັດທະນາລາວ.
- ຊຳລະຜ່ານຊ່ອງທາງແອບພິເຄຊັ່ນເທິງມືຖື ເປັນຕົ້ນແມ່ນ BCEL ONE ທີ່ທ່ານສາມາດຊຳລະຄ່າກະແສໄຟຟ້າໄດ້ບໍ່ວ່າທ່ານຈະຢູ່ພາຍໃນ ຫຼື ຕ່າງປະເທດ. ຊຳລະຜ່ານຕູ້ ATM ຂອງ ທະນາຄານການຄ້າຕ່າງປະເທດລາວ ແລະ ທະນາຄານພັດທະນາລາວ ທົ່ວປະເທດ.