ສາເຫດທີ່ ສປປ ລາວ ຜະລິດພະລັງງານໄຟຟ້າໄດ້ຫຼາຍແຕ່ຍັງຕ້ອງໄດ້ຊື້ພະລັງງານຈາກປະເທດເພື່ອບ້ານ ຍ້ອນເງື່ອນໄຂໃນການກໍ່ສ້າງ ສາຍສົ່ງ ແລະ ສະຖານີໄຟຟ້າແຫ່ງໃໝ່ຂອງພວກເຮົາແມ່ນຍັງບໍ່ພຽງພໍ ເນື່ອງຈາກຈຳເປັນຕ້ອງໄດ້ນຳໃຊ້ງົບປະມານອັນມະຫາສານ ແລະ ດ້ວຍເຫດທີ່ມີບາງພື້ນທີ່ໃນ ສປປ ລາວ ທີ່ສາຍສົ່ງກະແສໄຟຟ້າຂອງເຮົາເອງບໍ່ສາມາດເຂົ້າໄປເຖິງໄດ້ ເປັນຕົ້ນ: ແຂວງໄຊຍະບູລີ ແຂວງບໍ່ແກ້ວ ແຂວງຫຼວງນ້ຳທາ ເມືອງສະໝ້ວຍ(ແຂວງສາລະວັນ) ບໍ່ຄຳເຊໂປນ, ດັ່ງນັ້ນພວກເຮົາຈຶ່ງຈຳເປັນຕ້ອງໄດ້ນຳເຂົ້າກະແສໄຟຟ້າຈາກປະເທດເພື່ອນບ້ານທີ່ໃກ້ຄຽງພື້ນທີ່ມານຳໃຊ້. (ການຊື້ກະແສໄຟຟ້າຈາກປະເທດເພື່ອນບ້ານຄິດໄລ່ສະເລ່ຍແລ້ວແມ່ນຈະໃຊ້ງົບປະມານໜ້ອຍກວ່າການກໍ່ສ້າງສາຍສົ່ງ ແລະ ສະຖານນີແຫ່ງໃໝ່), ຊຶ່ງການເຊື່ອມໂຍງຂອງລະບົບໄຟຟ້າຍັງບໍ່ທັນມີ ແລະ ການຜະລິດໄຟຟ້າຂອງລາວເຮົາແມ່ນເປັນໂຄງການໄຟຟ້າພະລັງນ້ຳ ນັ້ນໝາຍຄວາມວ່າ ໃນລະດູແລ້ງການຜະລິດພະລັງງານໄຟຟ້າເພື່ອຊົມໃຊ້ພາຍໃນແມ່ນບໍ່ພຽງພໍກັບຄວາມຕ້ອງ ການ, ນອກນີ້ ໂຄງການໃຫຍ່ໆທີ່ເກີດຂຶ້ນໃນໄລຍະຜ່ານມາກໍ່ເປັນໂຄງການຜະລິດເພື່ອສົ່ງອອກຕ່າງປະເທດ. ຈາກບັນດາແຜນນະໂຍບາຍ, ສູ້ຊົນ ຂອງລັດຖະບານ ເພື່ອໃຫ້ຫຼຸດພົ້ນຈາກປະເທດດ້ອຍພັດທະນາພາຍໃນປີ 2020 ກໍ່ຄືໃຫ້ແຕ່ລະຄົວເຮືອນມີໄຟຟ້າໃຊ້ 98% ໃນທົ່ວປະເທດ, ການພັດທະນາແຫຼ່ງຜະລິດໄຟຟ້າ ໃນ ສປປ ລາວ ໃນໄລຍະຜ່ານມາແມ່ນມີການຂະຫຍາຍຕົວຢ່າງຕໍ່ເນື່ອງ ຄຽງຄູ່ກັບຄວາມຕ້ອງການໄຟຟ້າພາຍໃນປະເທດທີ່ເພີ່ມຂຶ້ນແບບກ້າວກະໂດດ ເຊິ່ງເຫັນໄດ້ຈາກສະຖິຕິ ກຳລັງການຕິດຕັ້ງໄຟຟ້າທັງໝົດທົ່ວປະເທດ ໃນປີ 2010 ມີ 2,546.7 MW (ບໍ່ລວມໄຟຟ້ານອກລະບົບ) ໃນນັ້ນ 383,5 MW ເປັນການຄຸ້ມຄອງຂອງ ລັດວິສາຫະກິດໄຟຟ້າລາວ, 100 MW ເປັນຂອງ ບໍລິສັດເອກະຊົນລົງທຶນເພື່ອຮັບໃຊ້ພາຍໃນ ແລະ 2,062 MW ເປັນຂອງເອກະຊົນລົງທຶນເພື່ອສົ່ງອອກ, ຮອດປີ 2016 ເຫັນວ່າການຂະຫຍາຍຕົວຂອງແຫຼ່ງຜະລິດໄຟຟ້າໄດ້ເພີ່ມຂຶ້ນຢ່າງຫຼວງຫຼາຍ ຫຼື ເທົ່າກັບ 128% ເມື່ອທຽບໃສ່ປີ 2010, ໃນນັ້ນເຫັນວ່າແຫຼ່ງຜະລິດທີ່ເປັນຂອງ ລັດວິສາຫະກິດໄຟຟ້າລາວ ຄຸ້ມຄອງເພີ່ມຂຶ້ນ 62%, ເອກະຊົນລົງທຶນເພື່ອຮັບໃຊ້ພາຍໃນ ເພີ່ມຂຶ້ນຮອດ 674% ແລະ ເອກະຊົນລົງທຶນເພື່ອສົ່ງອອກ ເຫັນວ່າເພີ່ມຂຶ້ນ 114%. ແຕ່ປີ 2016-2030 ແຜນພັດທະນາແຫຼ່ງຜະລິດໄຟຟ້າທົ່ວ ປະເທດ ມີທັງໝົດ 262ໂຄງການ, ລວມກຳລັງການຕິດຕັ້ງທັງໝົດ 19,124 MW ໃນນັ້ນມີ ໂຄງການທີ່ດຳເນີນການຜະລິດແລ້ວທັງໝົດ 32 ໂຄງການ, ໂຄງການທີ່ຢູ່ໃນຂັ້ນຕອນ CA ທັງໝົດ 17 ໂຄງການ, ໂຄງການທີ່ຢູ່ໃນຂັ້ນຕອນ PDA[1] ທັງໝົດ 34 ໂຄງການ, ໂຄງການທີ່ໄດ້ຮັບຮອງ ສຶກສາຄວາມເປັນໄປໄດ້ແລ້ວ (FS) ທັງໝົດ 111 ໂຄງການ ແລະ ໂຄງການທີ່ນອນຢູ່ໃນຂັ້ນຕອນ MOU ມີທັງໝົດ 28 ໂຄງການ.
ສາເຫດທີ່ ສປປ ລາວ ຜະລິດພະລັງງານໄຟຟ້າໄດ້ຫຼາຍແຕ່ຍັງຕ້ອງໄດ້ຊື້ພະລັງງານຈາກປະເທດເພື່ອບ້ານ ຍ້ອນເງື່ອນໄຂໃນການກໍ່ສ້າງ ສາຍສົ່ງ ແລະ ສະຖານີໄຟຟ້າແຫ່ງໃໝ່ຂອງພວກເຮົາແມ່ນຍັງບໍ່ພຽງພໍ ເນື່ອງຈາກຈຳເປັນຕ້ອງໄດ້ນຳໃຊ້ງົບປະມານອັນມະຫາສານ ແລະ ດ້ວຍເຫດທີ່ມີບາງພື້ນທີ່ໃນ ສປປ ລາວ ທີ່ສາຍສົ່ງກະແສໄຟຟ້າຂອງເຮົາເອງບໍ່ສາມາດເຂົ້າໄປເຖິງໄດ້ ເປັນຕົ້ນ: ແຂວງໄຊຍະບູລີ ແຂວງບໍ່ແກ້ວ ແຂວງຫຼວງນ້ຳທາ ເມືອງສະໝ້ວຍ(ແຂວງສາລະວັນ) ບໍ່ຄຳເຊໂປນ, ດັ່ງນັ້ນພວກເຮົາຈຶ່ງຈຳເປັນຕ້ອງໄດ້ນຳເຂົ້າກະແສໄຟຟ້າຈາກປະເທດເພື່ອນບ້ານທີ່ໃກ້ຄຽງພື້ນທີ່ມານຳໃຊ້. (ການຊື້ກະແສໄຟຟ້າຈາກປະເທດເພື່ອນບ້ານຄິດໄລ່ສະເລ່ຍແລ້ວແມ່ນຈະໃຊ້ງົບປະມານໜ້ອຍກວ່າການກໍ່ສ້າງສາຍສົ່ງ ແລະ ສະຖານນີແຫ່ງໃໝ່), ຊຶ່ງການເຊື່ອມໂຍງຂອງລະບົບໄຟຟ້າຍັງບໍ່ທັນມີ ແລະ ການຜະລິດໄຟຟ້າຂອງລາວເຮົາແມ່ນເປັນໂຄງການໄຟຟ້າພະລັງນ້ຳ ນັ້ນໝາຍຄວາມວ່າ ໃນລະດູແລ້ງການຜະລິດພະລັງງານໄຟຟ້າເພື່ອຊົມໃຊ້ພາຍໃນແມ່ນບໍ່ພຽງພໍກັບຄວາມຕ້ອງ ການ, ນອກນີ້ ໂຄງການໃຫຍ່ໆທີ່ເກີດຂຶ້ນໃນໄລຍະຜ່ານມາກໍ່ເປັນໂຄງການຜະລິດເພື່ອສົ່ງອອກຕ່າງປະເທດ. ຈາກບັນດາແຜນນະໂຍບາຍ, ສູ້ຊົນ ຂອງລັດຖະບານ ເພື່ອໃຫ້ຫຼຸດພົ້ນຈາກປະເທດດ້ອຍພັດທະນາພາຍໃນປີ 2020 ກໍ່ຄືໃຫ້ແຕ່ລະຄົວເຮືອນມີໄຟຟ້າໃຊ້ 98% ໃນທົ່ວປະເທດ, ການພັດທະນາແຫຼ່ງຜະລິດໄຟຟ້າ ໃນ ສປປ ລາວ ໃນໄລຍະຜ່ານມາແມ່ນມີການຂະຫຍາຍຕົວຢ່າງຕໍ່ເນື່ອງ ຄຽງຄູ່ກັບຄວາມຕ້ອງການໄຟຟ້າພາຍໃນປະເທດທີ່ເພີ່ມຂຶ້ນແບບກ້າວກະໂດດ ເຊິ່ງເຫັນໄດ້ຈາກສະຖິຕິ ກຳລັງການຕິດຕັ້ງໄຟຟ້າທັງໝົດທົ່ວປະເທດ ໃນປີ 2010 ມີ 2,546.7 MW (ບໍ່ລວມໄຟຟ້ານອກລະບົບ) ໃນນັ້ນ 383,5 MW ເປັນການຄຸ້ມຄອງຂອງ ລັດວິສາຫະກິດໄຟຟ້າລາວ, 100 MW ເປັນຂອງ ບໍລິສັດເອກະຊົນລົງທຶນເພື່ອຮັບໃຊ້ພາຍໃນ ແລະ 2,062 MW ເປັນຂອງເອກະຊົນລົງທຶນເພື່ອສົ່ງອອກ, ຮອດປີ 2016 ເຫັນວ່າການຂະຫຍາຍຕົວຂອງແຫຼ່ງຜະລິດໄຟຟ້າໄດ້ເພີ່ມຂຶ້ນຢ່າງຫຼວງຫຼາຍ ຫຼື ເທົ່າກັບ 128% ເມື່ອທຽບໃສ່ປີ 2010, ໃນນັ້ນເຫັນວ່າແຫຼ່ງຜະລິດທີ່ເປັນຂອງ ລັດວິສາຫະກິດໄຟຟ້າລາວ ຄຸ້ມຄອງເພີ່ມຂຶ້ນ 62%, ເອກະຊົນລົງທຶນເພື່ອຮັບໃຊ້ພາຍໃນ ເພີ່ມຂຶ້ນຮອດ 674% ແລະ ເອກະຊົນລົງທຶນເພື່ອສົ່ງອອກ ເຫັນວ່າເພີ່ມຂຶ້ນ 114%. ແຕ່ປີ 2016-2030 ແຜນພັດທະນາແຫຼ່ງຜະລິດໄຟຟ້າທົ່ວ ປະເທດ ມີທັງໝົດ 262ໂຄງການ, ລວມກຳລັງການຕິດຕັ້ງທັງໝົດ 19,124 MW ໃນນັ້ນມີ ໂຄງການທີ່ດຳເນີນການຜະລິດແລ້ວທັງໝົດ 32 ໂຄງການ, ໂຄງການທີ່ຢູ່ໃນຂັ້ນຕອນ CA ທັງໝົດ 17 ໂຄງການ, ໂຄງການທີ່ຢູ່ໃນຂັ້ນຕອນ PDA[1] ທັງໝົດ 34 ໂຄງການ, ໂຄງການທີ່ໄດ້ຮັບຮອງ ສຶກສາຄວາມເປັນໄປໄດ້ແລ້ວ (FS) ທັງໝົດ 111 ໂຄງການ ແລະ ໂຄງການທີ່ນອນຢູ່ໃນຂັ້ນຕອນ MOU ມີທັງໝົດ 28 ໂຄງການ.