ສອບຖາມບັນຫາກ່ຽວກັບລັດວິສາຫະກິດໄຟຟ້າລາວ
ການບໍລິການ
- ພາຍຫຼັງຊໍາລະຄ່າຕິດຕັ້ງໝໍ້ນັບໄຟໃໝ່ແມ່ນໃຊ້ໄລຍະເວລາເທົ່າໃດເຖິງຈະມາຕິດຕັ້ງໃຫ້ ?
- ສາຍດ່ວນ 1199 ຕິດຕໍ່ຍາກຫຼາຍ ໂທຍາມໃດສາຍບໍ່ວ່າງຕະຫຼອດ, ສາເຫດເປັນຍ້ອນຫຍັງ ?
- ການຊຳລະເງິນຄ່າກະແສໄຟຟ້າ ແມ່ນສາມາດຊຳລະຜ່ານຊ່ອງທາງໃດໄດ້ແດ່?
- ຍ້ອນຫຍັງ ເວລາມີບັນຫາໄຟຟ້າແລ້ວໂທແຈ້ງ ແຕ່ຜ່ານໄປ 2-3 ຊົ່ວໂມງກໍຍັງບໍ່ມາສ້ອມແປງ ແລະ ເປັນຫຍັງໄຟຟ້າດັບແຕ່ລະຄັ້ງ ຈຶ່ງໃຊ້ເວລາໃນການສ້ອມແປງດົນ ?
- ສາຍດ່ວນ 1199 ມີໜ້າທີ່ຫຍັງແດ່?
- ພະນັກງານຈົດເລກກົງເຕີໄຟແບບເດົາ ບໍ່ມາຈົດໂຕເລກທີ່ຖືກຕ້ອງລະອຽດ.
- ໝໍ້ນັບໄຟມີທັງໝົດຈັກປະເພດ? ມີຈັກຂະໜາດ?
- ຂໍໃຫ້ພະນັກງານກວດກາໝໍ້ນັບໄຟ ລົງກວດກາໃຫ້ທົ່ວທຸກຫຼັງຄາເຮືອນ.
ຈາກການຖະແຫຼງຂ່າວການຈັດຕັ້ງປະຕິບັດນະໂຍບາຍ ແລະ ມາດຕະການຜ່ອນຜັນ ເພື່ອຫຼຸດຜ່ອນຜົນກະທົບຈາກການລະບາດຂອງ Covid-19 ເດືອນ 4.5.6 ລັດວິສາຫະກິດໄຟຟ້າລາວ ຈະມີວິທີການຄິດໄລ່ຊົດເຊີຍຄືນແນວໃດ?
ສໍາລັບ ການນະໂຍບາຍສໍາລັບກຸ່ມຜູ້ໃຊ້ໄຟໃນລະຫວ່າງ 151-461 ກິໂລວັດໂມງ/ເດືອນ ທີ່ໄດ້ຮັບຜົນກະທົບຄືການໄດ້ຈ່າຍຄ່າໄຟເພີ່ມຂຶ້ນຈາກລາຄາໄຟເກົ່າ 6 ຂັ້ນນັ້ນ ແມ່ນໃຫ້ມີວິທີການຄິດໄລ່ໃໝ່ຄື:
- ຜູ້ຊົມໃຊ້ທີ່ໃຊ້ໄຟຟ້າແຕ່ 151-461 ກິໂລວັດໂມງ/ເດືອນ ສຳລັບ 150 ກິໂລວັດໂມງທຳອິດແມ່ນໃຫ້ຄູນລາຄາ 355 ກີບ/ກິໂລວັດໂມງ, ສ່ວນພະລັງງານທີ່ເຫຼືອ ແມ່ນໃຫ້ຄູນລາຄາ 710 ກີບ/ກິໂລວັດໂມງ ແລ້ວເອົາມູນຄ່າທັງສອງຂັ້ນ ມາບວກກັນເປັນລາຄາໄຟຟ້າ. ເຊິ່ງການປະຕິບັດນະໂຍບາຍນີ້ແມ່ນຈະປະຕິບັດຮອດເດືອນທັນວາ ປີ 2020 ຕາມການຊີ້ນໍາຂອງລັດຖະບານ.
- ສໍາລັບຜູ້ນໍາໃຊ້ໄຟ 0-150KWH/ເດືອນ ແມ່ນໃຊ້ລາຄາ 355ກີບ/ KWH ແລະ ຜູ້ໃຊ້ໄຟ 462 KWH/ເດືອນ ຂຶ້ນໄປ ແມ່ນໃຊ້ລາຄາ 710ກີບ/KWH, ເຊິ່ງລາຄາດັ່ງກ່າວ ແມ່ນເປັນລາຄາທີ່ຫຼຸດຈາກລາຄາເກົ່າ 6 ຂັ້ນແລ້ວ.
- ສໍາລັບວິທີການປະຕິບັດໄລ່ລຽງຄືນ ໃຫ້ຜູ້ຊົມໃຊ້ໄຟໃນລະຫວ່າງ 151-461 KWH/ເດືອນ ທີ່ຈ່າຍຄ່າໄຟເດືອນ 4-5-6 ໄປແລ້ວນັ້ນ ທາງໄຟຟ້າລາວ ຈະມີວິທີການປະຕິບັດດັ່ງນີ້:
- ຄ່າກະແສໄຟເດືອນ 4 ເປັນບິນເດືອນ 5 ຈ່າຍຄືນໃນບິນ ເດືອນ 7.
- ຄ່າກະແສໄຟເດືອນ 5 ເປັນບິນເດືອນ ເດືອນ 6 ຈ່າຍຄືນໃນບິນ ເດືອນ 8.
- ຄ່າກະແສໄຟເດືອນ 6 ເປັນບິນເດືອນ ເດືອນ 7 ຈ່າຍຄືນໃນບິນ ເດືອນ 9.
- ( ແຕ່ຕ້ອງໃຫ້ຜູ້ຊົມໃຊ້ເບິ່ງຄືນວ່າ ໃນໄລຍະ ເດືອນ 4.5.6 ຕົນເອງແມ່ນໃຊ້ພະລັງງານແຕ່ 151-461 ກິໂລວັດໂມງ ຫຼື ບໍ່ )