ສອບຖາມບັນຫາກ່ຽວກັບລັດວິສາຫະກິດໄຟຟ້າລາວ
ການບໍລິການ
- ພາຍຫຼັງຊໍາລະຄ່າຕິດຕັ້ງໝໍ້ນັບໄຟໃໝ່ແມ່ນໃຊ້ໄລຍະເວລາເທົ່າໃດເຖິງຈະມາຕິດຕັ້ງໃຫ້ ?
- ສາຍດ່ວນ 1199 ຕິດຕໍ່ຍາກຫຼາຍ ໂທຍາມໃດສາຍບໍ່ວ່າງຕະຫຼອດ, ສາເຫດເປັນຍ້ອນຫຍັງ ?
- ການຊຳລະເງິນຄ່າກະແສໄຟຟ້າ ແມ່ນສາມາດຊຳລະຜ່ານຊ່ອງທາງໃດໄດ້ແດ່?
- ຍ້ອນຫຍັງ ເວລາມີບັນຫາໄຟຟ້າແລ້ວໂທແຈ້ງ ແຕ່ຜ່ານໄປ 2-3 ຊົ່ວໂມງກໍຍັງບໍ່ມາສ້ອມແປງ ແລະ ເປັນຫຍັງໄຟຟ້າດັບແຕ່ລະຄັ້ງ ຈຶ່ງໃຊ້ເວລາໃນການສ້ອມແປງດົນ ?
- ສາຍດ່ວນ 1199 ມີໜ້າທີ່ຫຍັງແດ່?
- ພະນັກງານຈົດເລກກົງເຕີໄຟແບບເດົາ ບໍ່ມາຈົດໂຕເລກທີ່ຖືກຕ້ອງລະອຽດ.
- ໝໍ້ນັບໄຟມີທັງໝົດຈັກປະເພດ? ມີຈັກຂະໜາດ?
- ຂໍໃຫ້ພະນັກງານກວດກາໝໍ້ນັບໄຟ ລົງກວດກາໃຫ້ທົ່ວທຸກຫຼັງຄາເຮືອນ.
ປັດໄຈພື້ນຖານຂອງການກຳນົດລາຄາກະແສໄຟຟ້າໃນປະຈຸບັນຂອງ ສປປ ລາວ?
ການກຳນົດລາຄາກະແສໄຟຟ້າໃນປະຈຸບັນຂອງ ສປປ ລາວ ແມ່ນອີງໃສ່ຫຼາຍປັດໄຈ ສປປ ລາວ ເປັນປະເທດທີ່ມີທ່າແຮງໃນການພັດທະນາພະລັງງານໄຟຟ້ານ້ຳຕົກ ມີການຂະຫຍາຍຕົວທາງເສດຖະກິດສູງ ແລະ ການຜະລິດພະລັງງານໄຟຟ້າເພື່ອສົ່ງອອກໃຫ້ປະເທດຕ່າງໆ, ແຕ່ເນື່ອງຈາກປະຈຸບັນ ເປັນທົດສະວັດແຫ່ງການບຸກເບີກ ເຊິ່ງພວກເຮົາຍັງປະສົບກັບຄວາມຫຍຸ້ງຍາກ ແລະ ບໍ່ພ້ອມໃນຫຼາຍໆດ້ານ ເປັນຕົ້ນດ້ານທຶນຮອນໃນການກໍ່ສ້າງອັນມະຫາສານ ອີກທັງຄວາມພ້ອມຂອງຊັບພະຍາກອນມະນຸດກໍ່ຄື ດ້ານເຕັກນິກວິຊາການຂອງເຮົາເອງຍັງບໍ່ທັນພຽງພໍ ດັ່ງນັ້ນຈຶ່ງມີຄວາມຈຳເປັນຕ້ອງອາໄສຄວາມຮ່ວມມືຈາກຫຼາຍພາກສ່ວນໂດຍສະເພາະແມ່ນການລົງທຶນຂອງຕ່າງປະເທດໃນຂະແໜງການພະລັງງານ ເພື່ອການພັດທະນາ ສປປ ລາວ ໃຫ້ຫຼຸດພົ້ນຈາກຄວາມດ້ອຍພັດທະນາ ແລະ ນີ້ກໍເປັນປັດໄຈຫຼັກທີ່ຈຳເປັນຕ້ອງຄຳນຶງເຖິງໃນການກຳນົດຄ່າ ກະແສໄຟຟ້າໃນປະຈຸບັນ.