ລັດວິສາຫະກິດໄຟຟ້າລາວ ສາຂາແຂວງ ຫຼວງພະບາງ ຕັ້ງຢູ່ບ້ານໂຄມຂວາງ ຖະໜົນ13ເໜືອ ນະຄອນຫຼວງພະບາງ ແຂວງຫຼວງພະບາງ.
ລັດວິສາຫະກິດ ໄຟຟ້າລາວ ສາຂາ ແຂວງຫຼວງພະບາງ ເປັນຕົວແທນໃຫ້ແກ່ ລັດວິສາຫະກິດໄຟຟ້າລາວ ໃນການດຳເນີນທຸລະກິດ ສະໜອງໃຫ້ລູກຄ້າຢ່າງພຽງພໍ, ຄຸ້ມຄອງປົກປັກຮັກສາ ແລະ ບໍລິການສັງຄົມຢູ່ພາຍໃນແຂວງ, ພ້ອມກັບການຕອບສະໜອງພະລັງງານໄຟຟ້າເຂົ້າໃນການກໍ່ສ້າງພື້ນຖານໂຄງລ່າງ ພັດທະນາເສດຖະກິດສັງຄົມ ລົງສູ່ເຂດຊົນນະບົດຫ່າງໄກຊອກຫຼີກໃຫ້ພໍ່ແມ່ປະຊາຊົນໄດ້ຊົມໃຊ້ໄຟຟ້າຢ່າງທົ່ວເຖີງ, ນອກນີ້ແລ້ວຍັງໄດ້ມີການຄຸ້ມຄອງບຳລຸງຮັກສາເຂື່ອນໄຟຟ້າ, ລະບົບຕາຂ່າຍແຮງກາງ, ແຮງຕ່ຳ, ໝໍ້ແປງ, ເຄື່ອງອຸປະກອນຕ່າງໆໃຫ້ໄດ້ໃຊ້ງານຢ່າງເປັນປົກກະຕິ ແລະ ມີປະສິດທິຜົນສູງ ແລະ ວາງແຜນພັດທະນາລະບົບຕາຂ່າຍໄຟຟ້າ.