ໃນວັນທີ 5 ມັງກອນ 2017 ຢູ່ທີ່ຫ້ອງປະຊຸມໃຫຍ່ລັດວິສາຫະກິດໄຟຟ້າລາວ ສາຂາ ແຂວງສະຫວັນນະເຂດ , ທ່ານ ດວງສີ ພາຣະລາຍົກ ຮອງຜູ້ອຳນວຍການໃຫຍ່ ລັດວິສາຫະກິດ ໄຟຟ້າລາວ ໄດ້ພົບປະໂອ້ລົມພະນັກງານ ກຳມະກອນ ເພື່ອເຜີຍແຜ່ວຽກງານ ໃນຫຼາຍດ້ານ ໃນສົກປີທີ່ ຜ່ານມາ ແລະ ແນະນຳຫຼາຍບັນຫາທີ່ຈະຕ້ອງສູ້ຊົມໃນປີຕໍ່ໄປ. ເຂົ້າຮ່ວມ ມີຫົວໜ້າ ລັດວິສາຫະກິດ ໄຟຟ້າລາວ ສາຂາ ແຂວງສະຫວັນນະເຂດ, ຮອງຫົວໜ້າສາຂາ ພ້ອມດ້ວຍ 8 ພະແນກການອ້ອມຂ້າງ ແລະ 14 ສູນບໍລິການຂອງສາຂາ ເຂົ້າຮ່ວມຢ່າງພ້ອມພຽງ. ທ່ານຮອງຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ ໄດ້ຮັບຟັງການລາຍງານການເຄື່ອນໄຫວວຽກງານຕ່າງໆໃນໄລຍະຜ່ານມາ, ສະຫຼຸບການເຄື່ອນໄຫວວຽກງານ ໃນແຕ່ລະດ້ານ ຂໍ້ສະດວກ,ຂໍ້ຫຍຸ້ງຍາກ ແລະ ວິທີແກ້ໄຂ້ ພ້ອມນັ້ນກໍ່ໄດ້ສະເໜີແຜນການໃນການຈັດຕັ້ງປະຕິບັດໃນຕໍ່ໜ້າ ໂດຍຕິດພັນກັບວຽກງານ 3 ສ້າງກໍ່ຄຶແຜນພັດທະນາເສດຖະກິດສັງຄົມຂອງ ແຂວງສະຫວັນນະເຂດ ທີ່ໄດ້ວາງອອກ ຫລັງຈາກນັ້ນ ທ່ານ ດວງສີ ພາຣະຍົກ ຮອງຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ ໄດ້ໂອ້ລົມໃຫ້ທິດຊີ້ນຳ, ຍ້ອງຍໍ ແລະ ຊົມເຊີຍຕໍ່ກັບບັນດາຜົນງານທີ່ທັງສາມພາກສ່ວນທີ່ຍາດມາໄດ້ ອັນໄດ້ປະກອບສ່ວນເຂົ້າໃນການສ້າງສາພັດທະນາປະເທດຊາດ ແລະ ທ່ານຍັງໄດ້ເນັ້ນໜັກໃຫ້ການນຳແຕ່ລະພາກສ່ວນເອົາໃຈໃສ່ຊີ້ນຳ-ນຳພາ ແລະ ຄຸ້ມຄອງໜ້າວຽກຂອງຕົນ ຮັບຜິດຊອບໃຫ້ມີຄວາມໜັກແໜ້ນ ແລະ ເຂັ້ມແຂງ ພ້ອມທັງເອົາໃຈໃສ່ການກວດກາ, ກວດສອບບັນດາໂຄງການໃນຄວາມຮັບຜິດຊອບຂອງຕົນໃຫ້ມີຄຸນນະພາບ ແລະ ປະສິດທິພາບສູງ, ເພື່ອສ້າງຄວາມເຊື່ອໜັ້ນໃຫ້ກັບພໍ່ແມ່ປະຊາຊົນ ແລະ ພ້ອມກັນຈັດຕັ້ງປະຕິບັດວຽກງານທັງໝົດທີ່ຖືກມອບໝາຍໃຫ້ສຳເລັດຕາມແຜນການທີ່ວາງໄວ້.