ກອງປະຊຸມໄຟຟ້າຂອງບັນດາປະເທດ ອາຊຽນ (HAPUA) ຄັ້ງທີ່ 24 ໄດ້ເປີດຂື້ນ ຢູ່ທີ່ແຂວງ ຫຼວງພະບາງ ໃນລະຫວ່າງວັນທີ 22-24 ພະຈິກ 2016, ໂດຍແມ່ນ ລັດວິສາຫະກິດໄຟຟ້າລາວ ໄດ້ຮັບເປັນກຽດເປັນເຈົ້າພາບຈັດງານ ຊື່ງມີ 10 ປະເທດອາຊຽນເຂົ້າຮ່ວມ. ກອງປະຊຸມດັ່ງກ່າວແມ່ນ ກອງປະຊຸມ ປຶກສາຫາລື ລົງນາມ ແລະ ຄົ້ນຄວ້າ ເງື່ອນໄຂ ຂໍ້ສະດວກ ແລະ ຄວາມຫຍຸ້ງຍາກ ໃນການເຊື່ອມໂຍງລະບົບສົ່ງໄຟຟ້າເຂົ້າເປັນໜຶ່ງດຽວ ຂອງ ບັນດາປະເທດໃນອາຊຽນເພີ່ມຄວາມ ສະຖຽນລະພາບ ແລະ ເປັນການແລກປ່ຽນພະລັງງານ ລະຫວ່າງພາກພື້ນ ເຊີ່ງໃນກອງປະຊຸມໄດ້ຄົ້ນຄວ້າ ແລະ ລາຍງານການຮ່ວມມື ທາງດ້ານເຕັກໂນໂລຊີ, ການ ຊື້-ຂາຍ ແລກປຽ່ນພະລັງງານ, ການພັດທະນາຊັັບພະຍາກອນມະນຸດ, ການປັບປຸງ ລະບຽບຫລັກການ ແລະ ກົດໝາຍ ທີ່ບໍ່ສອດຄ່ອງ ຂອງແຕ່ລະປະເທດໃຫ້ຍັບໄກ້ເຂົ້າຫາກັນ, ແຜນພັດທະນາພະລັງງານໄຟຟ້າຮ່ວມກັນ ເພື່ອໃຫ້ເກີດຜົນປະໂຫຍດສູງສຸດ ໃຫ້ເປັນລະບົບດຽວກັນ ຫຼື (Grid to Grid) ເພື່ອເປັນການພັດທະນາປະເທດສະມາຊິກອາຊຽນໃຫ້ເປັນເຂດທີ່ມີຄວາມຈະເລີນ ແລະ ສີວິໄລ.
For More Picture Click Here