ການແຂ່ງຂັນກິລາມິດຕະພາບ ປະຈຳປີ 2018 ລະຫວ່າງລັດວິສາຫະກິດໄຟຟ້າລາວ ແລະ ການໄຟຟ້າສ່ວນພູມີພາກແຫ່ງປະເທດໄທ.

6-07-2018.



         ເພື່ອເປັນການເສີມສ້າງສາຍພົວພັນຮ່ວມມືລະຫວ່າງ ລັດວິສາຫະກິດໄຟຟ້າລາວ ແລະ ການໄຟຟ້າສວນພູມີພາກແຫ່ງປະເທດໄທ, ມາໃນວັນທີ 6 ສິງຫາ 2018 ຢູ່ທີ່ ມະຫາວິທະຍາໄລຊຽງໃຫມ່ ຈັງຫວັດຊຽງໃຫມ່ ປະເທດໄທ ໄດ້ມີພິທີເປີດການແຂ່ງຂັນກິລາມິດຕະພາບປະຈໍາປີ 2018 ຂື້ນຢ່າງເປັນທາງການ ລະຫວ່າງ ລັດວິສາຫະກິດໄຟຟ້າລາວ ແລະ ການໄຟຟ້າສ່ວນພູມີພາກແຫ່ງປະເທດໄທ, ໂດຍການເປັນປະທານເປີດງານຂອງ  ທ່ານ ເສີມສະກຸນ ຄຣ້າຍແກ້ວ ຜູ້ວ່າການໄຟຟ້າສ່ວນພູມີພາກ ແລະ ທ່ານ ບຸນອຸ້ມ ສີວັນເພັງ ຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ ພ້ອມດ້ວຍຄະນະບໍລິຫານ ພະນັກງານ ນັກກິລາພ້ອມກອງເຊຍຂອງທັງສອງຝ່າຍກໍ່ເຂົ້າຮ່ວມ. ການແຂ່ງຂັນກິລາມິດຕະພາບປະຈໍາປີແມ່ນໄດ້ຈັດຂື້ນທຸກໆປີໂດຍການປຽ່ນກັນເປັນເຈົ້າພາບ ຈຸດປະສົງ ເພື່ອເປີດໂອກາດໃຫ້ ພະນັກງານ ວິຊາການ ຂອງທັງສອງຝ່າຍໄດ້ມີການພົບປະແລກປ່ຽນຄວາມຮູ້, ຄວາມສາມະຄີ, ການອອກກໍາລັງກາຍ ແລະ ການເປັນນໍ້າໜຶ່ງໃຈດຽວ ລະຫວ່າງສອງອົງກອນເພື່ອພັດທະນາສອງອົງກອນໃຫ້ມີຄວາມພ້ອມໃນການສະໜອງພະລັງງານໄຟຟ້າຮັບໃຊ້ສັງຄົມ. ການແຂ່ງຂັນກິລາແມ່ນໄດ້ແບ່ງອອກເປັນ 4 ປະເພດຄື: ກິລາກອ໋ບ, ກິລາບານສົ່ງ, ກິລາເປຕັ່ງ ແລະ ກິລາຕີດອກປີກໄກ່.