ລັດວິສາຫະກິດໄຟຟ້າຸລາວ ມອບນ້ຳໃຈຊ່ວຍເຫຼືອຜູ້ປະສົບໄພ ທີ່ແຂວງອັດຕະປື

26-07-2018.



     ໃນວັນທີ 25 ກໍລະກົດ 2018 ເວລາ 14:00 ໂມງ. ຢູ່ທີ່ ກະຊວງພະລັງງານ ແລະ ບໍ່ແຮ່ ທ່ານ ບຸນອູ້ມ ສີວັນເພັງ ຜູ້ອຳນວຍການໃຫຍ່ລັດວິສາຫະກິດໄຟຟາຸ້ລາວ ພ້ອມຄະນະໄດ້ມອບເງີນຊ່ວຍເຫຼືອຜູ້ປະສົບໄພນ້ຳຖ້ວມທີ່ແຂວງອັດຕະປື, ກ່າວຮັບໂດຍ ທ່ານ ປອ ດາວວົງ ພອນແກ້ວ ຫົວໜ້າຫ້ອງການ ກະຊວງພະລັງງານ ແລະ ບໍ່ແຮ່ ເຊີ່ງຈຳນວນເງີນດັ່ງກ່າວເປັນການປະກອບສ່ວນຂອງພະນັກງານ ກຳມະກອນ ລັດວິສາຫະກິດໄຟຟາຸ້ລາວ ທົ່ວປະເທດ, ຫຼັງຈາກນັ້ນເງີນຈຳນວນນີ້ ກະຊວງພະລັງງານ ແລະ ບໍ່ແຮ່ ຈະນຳໄປມອບໃຫ້ກັບປະຊາຊົນຜູ້ທີໄດ້ຮັບຜົນກະທົບ ແຂວງອັດຕະປື ເນື່ອງຈາກວ່າ ມີປະຊາຊົນຈຳນວນຫຼາຍ ຄອບຄົວໄດ້ຮັບຜົນກະທົບ ເພາະມີນ້ຳຈຳນວນມະຫາສານໄຫຼຈາກ ໂຄງການກໍ່ສ້າງເຂື່ອນໄຟຟ້າ ເຊປຽນ-ເຊນ້ຳນ້ອຍ, ເຊີ່ງເປັນເຂື່ອນຂະໜາດໃຫຍ່ ມີກຳລັງຕິດຕັ້ງ 410 ເມກາວັດ ເປັນໂຄງການລົງທຶນຂອງບໍລິສັດເອກະຊົນເລີ່ມລົງມືກໍ່ສ້າງມາແຕ່ທ້າຍປີ 2013 ແລະ ຄາດວ່າຈະສຳເລັດໃນຕົ້ນປີ 2019 ໂດຍມີເຈົ້າຂອງໂຄງການແມ່ນບໍລິສັດໄຟຟ້າເຊປຽນ-ເຊນ້ຳນ້ອຍພາຍໃຕ້ການຮ່ວມຮຸ້ນຂອງບໍລິສັດເອກະຊົນທັງພາຍໃນ ແລະ ຕ່າງປະເທດ ມູນຄ່າຂອງໂຄງການ 1,020 ລ້ານໂດລາສະຫະລັດ ພາຍຫຼັງໂຄງການສຳເລັດພະລັງງານໄຟຟ້າແມ່ນຈະຂາຍໃຫ້ລັດສາຫະກິດໄຟຟ້າລາວ 10% ແລະ ສົ່ງອອກ 90%.