ລັດວິສາຫະກິດໄຟຟ້າລາວ ເຂົ້າຮ່ວມວັນບໍຈາກເລືອດໂລກ 14 ມິຖຸນາ 2018

15-06-2018.



         ເພື່ອສ້າງຄວາມເປັນນໍ້າໜື່ງໃຈດຽວກັນໃນການບໍລິຈາກເລືອດ ແລະ ສ້າງຄຸນຄ່າຂອງການບໍລິຈາກເລືອດ ໂດຍໃຫ້ເລືອດດ້ວຍຄວາມສະໜັກໃຈ, ຄວາມເຫັນອົກເຫັນໃຈ, ຄວາມມີນໍ້າໃຈຕໍ່ກັນ, ການບໍລິຈາກເລືອດ ດ້ວຍຄວາມຕື່ນຕົວສະໜັກໃຈບໍ່ຮຽກຮ້ອງສີ່ງຕອບແທນ ທັງເປັນການສົ່ງເສີມໃຫ້ປະຊາຊົນຊ່ວຍເຫຼືອຊື່ງກັນ ແລະ ກັນຫຼາຍຂື້ນ. ໃນ​ຕອນ​ເຊົ້າຂອງ​ວັນ​ທີ 14 ມິຖຸນາ 2018 ນີ້ ຢູ່ທີ່ສູນການຄ້າລາວ-ໄອເຕັກ. ລັດວິສາຫະກິດໄຟຟ້າລາວ ໃດ້ເຫັນຄວາມສຳຄັນຂອງວັນດັ່ງກ່າວ ແລະ ໃດ້ນຳພາພະນັກງານ-ກຳມະກອນ ລັດ​ວິ​ສາ​ຫະກິດ​ໄຟຟ້າ​ລາວ​ ເຂົ້າຮ່ວມ ​​ບໍລິຈາກ​ເລືອດດ້ວຍຄວາມສະໜັກໃຈ​ເພື່ອ​ຊ່ວຍ​ເຫຼືອສັງຄົມ ໃນໂອກາດວັນຜູ້ບໍລິຈາກເລືອດໂລກ 14 ມິຖຸນາ 2018 ໂດຍຜ່ານສູນ​ບໍລິຈາກ​ເລືອດ​ແຫ່ງ​ຊາດ ອົງການ​ກາ​ແດງ​ລາວ ຊື່ງທຸກໆ​ປີລັດວິສາຫະກິດ​ໄຟຟ້າ​ລາວ ​​​ແມ່ນ​ໄດ້ເຂົ້າ​ຮ່ວມ ແລະ ສະໜັບສະໜູນວັນດັ່ງກ່າວເປັນປະຈຳທຸກໆປີ ຈຸດປະສົງຫຼັກ​ໃນການ​ບໍລິຈາກ​ເລືອດ​ແມ່ນ​ເພື່ອນໍາ​ໄປ​ເປັນ​ເລືອ​ດສຳຮອງຕາມ ​ໂຮງໝໍ​ແຂວງ ​ແລະ ສຸກສາລາ,  ​ເພື່ອ​ຈະນຳ​ໃຊ້ເຂົ້າໃນ​ການປິ່ນປົວ​ຄົນເຈັບ​ທີ່​ຂາດ​ເລືອດ ​ເປັນຕົ້ນ​ແມ່ນຄົນ​ເຈັບ​ທີ່​ເກີດ​ອຸບັດ​ຕິ​ເຫດ, ການຜ່າຕັດ​ໃຫຍ່, ພະຍາດ​ໄຂ່ຫຼັງ ຊຸດໂຊມ ແລະ ໃນ​ກໍລະນີ​ອື່ນໆ ທີ່​ຄົນ​ເຈັບຕ້ອງການ​ເລືອດ​ດ່ວນ​.