ລັດວິສາຫະກິດໄຟຟ້າລາວຈັດກິດຈະກຳ ຊ່ວຍເຫຼືອສັງຄົມພາຍໃຕ້ໂຄງການ ຈິດອາສາໄຟຟ້າລາວມອບຄວາມຮູ້ ແລະ ການສຶກສາ ທີ່ ເມືອງ ສັງທອງ, ນະຄອນຫຼວງວຽງຈັນ.

12-02-2018.



        ໃນວັນທີ 26.1.2018 ທີຜ່ານມາ ລັດວິສາຫະກິດໄຟຟ້າລາວຮ່ວມກັບ ບໍລິສັດ ຜະລິດ-ໄຟຟ້າລາວ ມະຫາຊົນ, ບໍລິສັດນ້ຳງື່ມ 3 ພາວເວີ ຈຳກັດ ແລະ ບໍລິສັດ ຫ້າງຮ້ານ ພະນັກງານ ກຳມະກອນ ລັດວິສາຫະກິດໄຟຟ້າລາວ ໄດ້ຮ່ວມກັນຈັດກິດຈະກຳຊ່ວຍເຫຼືອສັງຄົມ ພາຍໃຕ້ໂຄງການ ຈິດອາສາໄຟຟ້າລາວມອບຄວາມຮູ້ ແລະ ການສຶກສາ ຈຸດປະສົງຂອງໂຄງການເພື່ອໃຫ້ນັກຮຽນພາຍໃນ 3 ໝູ່ບ້ານໄດ້ມີອຸປະກອນການສຶກສາ, ອຸປະກອນກິລາ, ນ້ຳສະອາດໃຫ້ຊົມໃຊ້. ເຊິ່ງການມອບອຸປະກອນໃນຄັ້ງນີ້ປະກອບດ້ວຍ ສ້າງນ້ຳບາດານ, ອຸປະກອນການຮຽນ, ອຸປະກອນກິລາ ໃຫ້ກັບ 3 ໂຮງຮຽນຄື: ໂຮງຮຽນບ້ານຫ້ອຍລ້າແມ່ນສ້າງນ້ຳບາດານຈຳນວນ 1 ໜ່ວຍ ພ້ອມຕິດຕັ້ງເຄື່ອງສູບນ້ຳ ແລະ ອຸປະກອນການສຶກສາ. ໂຮງຮຽນບ້ານຊໍ້ແມ່ນສ້ອມແປງອາຄານຮຽນຈຳນວນ 2 ຫຼັງ ແລະ ມອບອຸປະກອນການສຶກສາ. ໂຮງຮຽນບ້ານກ້ວຍແມ່ນມອບອຸປະກອນການຮຽນ ແລະ ອຸປະກອນກິລາ ຕາງໜ້າໃນການມອບຄັ້ງນີ້ໂດຍ ທ່ານ ວົງມະນີ ສອນເກດສຸລິນ ຮອງອຳນວຍການໃຫຍ່ລັດວິສາຫະກິດໄຟຟ້າລາວ ຮັບໂດຍ ຄະນະອຳນວຍການພ້ອມດ້ວຍນ້ອງນັກຮຽນ ທັງ 3 ໂຮງຮຽນ ຄິດເປັນມູນຄ່າທັງໝົດ 63,337,000 ກີບ.

ສາມາດເບິ່ງຮູບພາບເພີ່ມເຕີມໄດ້ທີ: https://www.facebook.com/Edllao/posts/563247564008623