ສາມອົງການຈັດຕັ້ງ ຟຟລ, ຟຟລ ສາຂາ ແຂວງຫົວພັນ ແລະ ເຂື່ອນໄຟຟ້ານໍ້າງື່ມ 1 ຮ່ວມໃຈຕ້ານໄພໜາວສູ້ຊົນນະບົດ ແຂວງຫົວພັນ.

15-02-2017.



             ໃນວັນທີ 14-15 ກູມພາ 2017 ທີ່ຜ່ານມາ, ສາມອົງການຈັດຕັ້ງລັດວິສາຫະກິດໄຟຟ້າລາວ(ຟຟລ) ສຳນັກງານໃຫຍ່, ຟຟລ ສາຂາ ແຂວງຫົວພັນ ແລະ ເຂື່ອນໄຟຟ້ານໍ້າງື່ມ 1 ມອບເຄື່ອງນຸ່ງຮົ່ມ ແລະ ອຸປະກອນການສຶກສາຈຳນວນໜຶ່ງໃຫ້ກັບ ນ້ອງນັກຮຽນ ໂຮງຮຽນມັດທະຍົມສຶກສາຕອນຕົ້ນນາທອງ ເມືອງຊໍາເໜືອ ແຂວງຫົວພັນ ແລະ ປະຊາຊົນ ທີ່ຂາດເຂີນເຄື່ອງນຸ່ງຮົ່ມ ທີ່ອາໃສຕາມເຂດຊາຍແດນ ລາວ-ຫວຽດນາມ ໃນ 4 ບ້ານຄື: ບ້ານ ຫ້ວຍຮຽງ, ບ້ານ ຜາລ່ອງ, ບ້ານ ເປີ່ງ ແລະ ບ້ານ ປ່າຂົມໃຫຍ່ ຂື້ນກັບ ເມືອງສົບເບົາ ແຂວງຫົວພັນ ລວມມູນຄ່າ 70 ກວ່າລ້ານກີບ ໂດຍການເຂົ້າຮ່ວມຂອງ ທ່ານ ວົງເພັດ ກຽນສິງຫັດ ເລຂາພັກເມືອງ ເຈົ້າເມືອງໆສົບເບົາ, ທ່ານ ບຸນສຽງ ລັດຕະນະສິງ ຫົວໜ້າຝ່າຍປະຕິບັດການໄຟຟ້າພາກເໜືອ -ໃຕ້ ຟຟລ, ທ່ານ ບຸນຮຽງ ດວງບຸດທອງ ຫົວໜ້າ ຟຟລ ສາຂາ ແຂວງຫົວພັນ, ມີສາມອົງການຈັດຕັ້ງ ຟຟລ ສຳນັກງານໃຫຍ່, ສາຂາ ແຂວງຫົວພັນ, ເຂື່ອນໄຟຟ້ານໍ້າງື່ມ 1 ແລະ ສາມອົງການຈັດຕັ້ງເມືອງ    ສົບເບົາ, ເລຂາພັກບ້ານ ນາຍບ້ານ ແລະ ພໍ່ແມ່ປະຊາຊົນເຂົ້າຮ່ວມ. ການມອບເຄື່ອງນຸ່ງຮົ່ມ ແລະ ອຸປະກອນການສຶກສາ ຕ້ານໄພໜາວໃນຄັ້ງນີ້ ແມ່ນຈຸດປະສົງເພື່ອມອບຄວາມອົບອຸ່ນ ຄວາມເປັນຫ່ວງເປັນໄຍໃຫ້ກັບນ້ອງນັກຮຽນ ແລະ ປະຊາຊົນທີ່ຍັງຍຸ່ງຍາກ ຂາດເຂີນ ເຊີ່ງທຸກໆປີໂດຍແມ່ນ ສາມອົງການຈັດຕັ້ງ ຟຟລ ສຳນັກງານໃຫຍ່ ສົມທົບກັບ ສາມອົງການຈັດຕັ້ງ ຟຟລ ສາຂາແຂວງຫົວພັນເປັນເຈົ້າພາບລະດົມທຶນ ເຊີ່ງປະກອບດ້ວຍ: ເຄື່ອງນຸ່ງ, ຜ້າຮົ່ມ, ເຄື່ອງອຸປະໂພກບໍລິໂພກ ແລະ ອຸປະກອນການສຶກສາ ຈຳນວນໜຶ່ງຈາກ ພະນັກງານ ກຳມະກອນ ພາຍໃນ ຟຟລ ແລະ ພິເສດໃນປີນີ້ມີເຂື່ອນໄຟຟ້ານໍ້າງື່ມ 1 ເຂົ້າຮ່ວມ, ເຄື່ອງດັ່ງກ່າວແມ່ນໄດ້ນຳໄປມອບໃຫ້ ໂຮງຮຽນ ແລະ ປະຊາຊົນທີ່ທຸກຍາກ ຕາມແຜນ ທີ່ອາໃສຢູ່ເຂດຫ່າງໄກສອກລີກ, ເປັນເຂດທີ່ມີອາກາດໜາວ ແລະ ເປັນເຂດຈຸດສຸມພັດທະນາເມືອງສົບເບົາ ໃນນັ້ນ ມີ 400 ຄອບຄົວ 1,738 ຄົນ, ດັ່ງນັ້ນ ຟຟລ ຈີ່ງເຫັນໄດ້ຄວາມສໍາຄັນຂອງປະຊາຊົນໃນເຂດດັ່ງກ່າວ ເພື່ອເປັນສ່ວນໜຶ່ງໃນການຊ່ວຍເຫຼືອສັງຄົມ ຮ່ວມໃຈຕ້ານໄພໜາວສູ້ຊົນນະບົດ ແຂວງຫົວພັນ ປະຈຳປີ 2017.



rolex replica
replica rolex
replica uhren
replica watches