ພິທີຮັບໃບປະກາສະນິຍະບັດ ຂອງນັກສຶກສາ ປະລິນຍາຕີ ສາຂາວິຊາ ວິສະວະກຳ ກົນຈັກ ພາຍໃຕ້ໂຄງການຮ່ວມມື ລະຫວ່າງ EDL-KHIDI-HOHAI

21-08-2020.



   ໃນວັນທີ 21 ສິງຫາ 2020 ຢູ່ສໍານັກງານໃຫຍ່ ລັດວິສາຫະກິດໄຟຟ້າລາວ ນະຄອນຫຼວງວຽງຈັນ, ໄດ້ມີພິທີມອບຮັບໃບປະກາດສະນິຍະບັດ ນັກສິກສາ ປະລິນຍາຕີສາຂາ ວິສະວະກໍາກົນຈັກ ຜ່ານທາງວີດີໂອຄອນເຟັ້ນ ໂດຍມີ ທ່ານ ຈັນທະບຸນ ສຸກອາລຸນ ວ່າການຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ ເປັນປະທານ ຕາງໜ້າຝ່າຍລາວ, ຝ່າຍຈີນ, ນັກສຶກສາ ແລະ ຜູ້ປົກຄອງເຂົ້າຮ່ວມ. ການສຶກສາປະລິນຍາຕີເປັນໂຄງການຮ່ວມມືລະຫວ່າງ ລັດວິສາຫະກິດໄຟຟ້າລາວ ກັບ ບໍລິສັດ Powerchina  Khunming Engineering co.lth ໂດຍເອົາມະຫາວິທະຍາໄລ ເຫີໄຫ່ ແຂວງຊຽງຊູ ສປຈີນ ເປັນສະຖານທີ່ສຶກສາ ເຊີ່ງ ລັດວິສາຫະກິດໄຟຟ້າລາວ ໄດ້ສົ່ງນັກສຶກສາໄປຮຽນເລີ່ມປີ 2014 ໂດຍໄດ້ແບ່ງເປັນ 3 ລຸ້ນ ລວມ 60 ຄົນ ແຕ່ລະລຸ້ນມີ 20 ຄົນ ສຳລັບການຮັບໃບປະກາດຄັ້ງນີ້ ແມ່ນລຸ້ນທີ 2.