ລັດວິສາຫະກິດໄຟຟ້າລາວ ສ້າງຂະບວນການແຂ່ງຂັນກິລາ ຕ້ອນຮັບກອງປະຊຸມໃຫຍ່ຄັ້ງທີ IV ຂອງຄະນະພັກຮາກຖານ ຟຟລ

14-08-2020.



 ໃນວັນທີ 14 ສິງຫາ 2020 ທີ່ຜ່ານ, 3 ອົງການຈັດຕັ້ງມະຫາຊົນ ຂອງ ລັດວິສາຫະກິດໄຟຟ້າລາວ ໄດ້ສ້າງຂະບວນການແຂ່ງຂັນກິລາ ເພື່ອຕ້ອນຮັບກອງປະຊຸມໃຫຍ່ຄັ້ງທີ IV ຂອງຄະນະພັກຮາກຖານ ຟຟລ ຂຶ້ນ ທີ່ເດີນກິລາ ຄວສ ໂດຍການເຂົ້າຮ່ວມເປັນປະທານຂອງ ສະຫາຍ ຈັນທະບູນ ສຸກອາລຸນ ວ່າການເລຂາຄະນະພັກຮາກຖານ ຟຟລ ພ້ອມດ້ວຍຄະນະ ມີຝ່າຍປະຕິບັດການໄຟຟ້ານະຄອນຫຼວງ, ບໍລິສັດນໍ້າງື່ມ 3 ພາວເວີ ຈໍາກັດ ແລະ ບໍລິສັດ ຜະລິດ-ໄຟຟ້າລາວ ມະຫາຊົນ ເຂົ້າຮ່ວມ. ເຊິ່ງພາຍໃນງານໄດ້ຈັດການແຂ່ງຂັນກິລາບານເຕະ ລະຫວ່າງ ທີມຝ່າຍປະຕິບັດການໄຟຟ້ານະຄອນຫຼວງ ກັບ ທີມ ຟຟລ+EDL-GEN+ນໍ້າງື່ມ3 ໂດຍແບ່ງອອກເປັນ 03 ປະເພດການແຂ່ງຂັນຄື: ທີມຊາວໜຸ່ມຊາຍ, ທີມຜູ້ອາວຸໂສຊາຍ ແລະ ທີມຊາວໜຸ່ມຍິງ. ເຊິ່ງຜົນການແຂ່ງຂັນຜູ້ທີ່ຊະນະໃນທີມຊາວໜຸ່ມຊາຍແມ່ນທີມຟຟລ+EDL-GEN+ນໍ້າງື່ມ3, ທີມຜູ້ອາວຸໂສແມ່ນທີມຝ່າຍປະຕິບັດການໄຟຟ້ານະຄອນຫຼວງ ແລະ ທີມຊາວໜຸ່ມຍິງແມ່ນທີມຝ່າຍປະຕິບັດການໄຟຟ້ານະຄອນຫຼວງ. ນອກນັ້ນ, ກໍ່ຍັງມີກິລາມວນຊົນ(ດຶງເຊືອກ) ແລະ ການແຂ່ງຂັນກໍ່ຈົບລົງໃນວັນດຽວກັນ.