ພິທີມອບ-ຮັບທຸງໄຊນໍາໜ້າຂະບວນການແຂ່ງຂັນ 4 ບຸກ ຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງພະລັງງານ ແລະ ບໍ່ແຮ່

21-07-2020.



ໃນວັນທີ 21 ກໍລະກົດ 2020 ເວລາ 8:30 ຢູ່ທີ່ສຳນັກງານໃຫຍ່ ລັດວິສາຫະກິດໄຟຟ້າລາວ ນະຄອນຫຼວງວຽງຈັນ, ໄດ້ມີພິທີມອບ-ຮັບທຸງໄຊນໍາໜ້າຂະບວນການແຂ່ງຂັນ 4 ບຸກ ຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງພະລັງງານ ແລະ ບໍ່ແຮ່, ໂດຍການເປັນປະທານຂອງ ສະຫາຍ ທອງພັດ ອິນທະວົງ ຄະນະພັກກະຊວງ ຮອງລັດຖະມົນຕິກະຊວງພະລັງງານ ແລະ ບໍ່ແຮ່ ມີ ສະຫາຍ ບຸນຕາ ເທບພະວົງ ຄະນະພັກ, ຮອງເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ, ສະຫາຍ ປອ ສີມອນ ພິຈິດ ຄະນະພັກກະຊວງ ເລຂາຄະນະບໍລິຫານງານຊາວໜຸ່ມກະຊວງພະລັງງານ ແລະ ບໍ່ແຮ່, ມີເລຂາຮາກຖານແຕ່ລະໜ່ວຍຊາວໜຸ່ມ ແລະ ສະມາຊິກເຂົ້າຮ່ວມ. ໃນພິທີກໍ່ໄດ້ຜ່ານບົດລາຍງານການຈັດຕັ້ງປະຕິບັດຂໍ້ແຂ່ງຂັນ 4 ບຸກ, ຜ່ານຂໍ້ຕົກລົງເປັນ ຄຊປປລ 4 ບຸກ ແລະ ຜ່ານຂໍ້ຕົກລົງວ່າດ້ວຍການມອບທຸງໄຊນໍາໜ້າຂະບວນການແຂ່ງຂັນ 4 ບຸກ 3 ປີຊ້ອນ ຫຼັງຈາກນັ້ນ ພິທີກໍ່ໄດ້ຮັບຟັງການໃຫ້ຄໍາໂອລົມຂອງທ່ານປະທານ ແລະ ທ່ານຮອງເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ ແລະ ພິທີກໍ່ໄດ້ບ່ອນບັດຄັດເລືອກເອົາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງພະລັງງານ ແລະ ບໍ່ແຮ່ ຮອບທີ 2.