ກອງປະຊຸມ ຖອດຖອນບົດຮຽນກ່ຽວກັບພະລັງງານໄຟຟ້າ ແລະ ການຄຸ້ມຄອງກິດຈະການກໍ່ສ້າງ ແລະ ຕິດຕັ້ງໄຟຟ້າປະຈຳປີ 2017



https://www.foreverolex.co.uk/

                ໃນວັນທີ 20-21 ພະຈິກ 2017 ທີ່ຫ້ອງປະຊຸມໃຫຍ່ ລັດວິສາຫະກິດໄຟຟ້າລາວ ໄດ້ຈັດກອງປະຊຸມ ຖອດຖອນບົດຮຽນກ່ຽວກັບພະລັງງານໄຟຟ້າ ແລະ ການຄຸ້ມຄອງກິດຈະການກໍ່ສ້າງ ແລະ ຕິດຕັ້ງໄຟຟ້າປະຈຳປີ 2017 ຂຶ້ນ. ໂດຍການເປັນປະທານຂອງ ທ່ານ ປອ. ຄຳມະນີ ອິນທິລາດ ກຳມະການສູນກາງພັກ, ລັດຖະມົນຕີວ່າການກະຊວງພະລັງງານ ແລະ ບໍ່ແຮ່, ເຊິ່ງໃນກອງປະຊຸມດັ່ງກ່າວ ແມ່ນໄດ້ມີການນຳສະເໜີບັນຫາຕ່າງໆໃນຊ່ວງໄລຍະຜ່ານມາ, ສັງລວມບັນດາບັນຫາທີ່ພົ້ນເດັ່ນ ພ້ອມທັງ ສຸມໃສ່ປຶກສາຫາລື ແລກປ່ຽນ ແລະ ຖອດຖອນບົດຮຽນເຊິ່ງກັນແລະກັນ ເພື່ອຄົ້ນຄວ້າແນວທາງໃນການແກ້ໄຂບັນຫາ ແລະ ແຜນການຈັດຕັ້ງປະຕິບັດ ເພື່ອຮັບປະກັນການພັດທະນາວຽກງານພະລັງງານ ແລະ ບໍ່ແຮ່ໃນຕໍ່ໜ້ານີ້ດຳເນີນໄປຢ່າງຖືກຕ້ອງ ແລະ ມີປະສິດທິຜົນ ໂດຍການປະຕິບັດຕາມແຜນຍຸດທະສາດຮອດປີ 2025, ແຜນພັດທະນາເສດຖະກິດສັງຄົມແຫ່ງຊາດ 2016-2020 ພ້ອມທັງເຊື່ອມຊຶມວິໄສທັດຮອດປີ 2030 ແລະ ກຳແໜ້ນແນວທາງເສດຖະກິດ ແລະ ແນວທາງຫັນເປັນອຸດສາຫະກຳ ແລະທັນສະໄໝຂອງພັກ.