ລັດວິສາຫະກິດໄຟຟ້າລາວເຂົ້າຮ່ວມ ເປີດບູດໃນງານບຸນນະມັດສະການພະທາດຫຼວງປະຈໍາປີ 2017



             ໃນລະຫວ່າງວັນທີ 28 ຕຸລາ ຫາ ວັນທີ 3 ພະຈິກ 2017 ລັດວິສາຫະກິດໄຟຟ້າລາວ(ຟຟລ) ໄດ້ລົງເຄື່ອນໄຫວກິດຈະກຳ ເຜີຍແຜ່ຄວາມຮູ້ໃນການຊົມໃຊ້ໄຟຟ້າໃຫ້ປະຊາຊົນທີ່ເຂົ້າມາທ່ຽວຊົມງານບຸນນະມັດສະການພຣະທາດຫຼວງ ປະຈຳປີ 2017 ເຊິ່ງເປັນບຸນປາງໃຫຍ່ທີ່ສຳຄັນ ໃນຮີດ 12 ຄອງ 14 ຂອງຊາດລາວ ທີ່ໄດ້ປະຕິບັດສືບທອດກັນມາທຸກໆປີ ແລະ ເປັນປີໂອກາດທີ່ ສປປລາວ ໄດ້ຈັດປີທ່ອງທ່ຽວລາວ ປະຈຳປີ 2018 ຂຶ້ນຢ່າງເປັນທາງ ໂດຍ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປລາວ ເປັນປະທານ, ດັ່ງນັ້ນ ຈີ່ງເປັນໂອກາດດີ ສຳລັບ ລັດວິສາຫະກິດໄຟຟ້າລາວ ທີ່ມີສ່ວນຮ່ວມໃນການຕັ້ງບູດໄຟຟ້າ ເພື່ອເຄື່ອນໄຫວກິດຈະກຳ ເຜີຍແຜ່ຄວາມຮູ້ໃນການຊົມໃຊ້ໄຟຟ້າ ໃຫ້ຖືກວິທີ ປອດໄພ ແລະ ປະຢັດ ພ້ອມທັງນຳເອົາອຸປະກອນໄຟຟ້າມາວາງສະແດງ ລວມໄປເຖິງ ໂພດສະເຕີ້ ແລະ ປື້ມຄູ່ມືໃນການນຳໃຊ້ໄຟຟ້າ ໃຫ້ກັບພໍ່ແມ່ປະຊາຊົນ ແລະ ນັກທ່ອງທ່່ຽວທັງພາຍໃນ ແລະ ຕ່າງປະເທດ ທີ່ເດີ່ນທາງມາທ່ຽວຊົມ ພ້ອມດຽວກັນ ປະຊາຊົນທີ່ມາທ່ຽວບຸນກໍ່ສາມາດນໍາໃບບິນຄ່າກະແສໄຟຟ້າມາຈ່າຍຢູ່ ບູດ ຟຟລ ແລະ ຫຼີ່ນເກມ ເພື່ອຮັບເຄື່ອງທີ່ລະນຶກຈາກ ຟຟລ.