ພິທີເປີດຝຶກອົບຮົມວຽກງານປະຊາສຳພັນໄລຍະສັ້ນ ທົ່ວປະເທດ ຄັ້ງທີ I ຂອງລັດວິສາຫະກິດໄຟຟ້າລາວ.



                 ວັນທີ 25 ກໍລະກົດ 2017,  ທ່ານ ບຸນສຽງ ລັດຕະນະສິງ ຫົວໜ້າຝ່າຍປະຕິບັດການໄຟຟ້າພາກ ເໜືອ-ໃຕ້ ລັດວິສາຫະກິດໄຟຟ້າລາວ(ຟຟລ) ໃຫ້ກຽດເປັນປະທານເປີດພິທີຝຶກອົບຮົມວຽກງານໂຄສະນາປະຊາສຳພັນທົ່ວປະເທດ ຄັ້ງທີ 1 ຂອງ ຟຟລ ຢ່າງເປັນທາງການ ໂດຍມີ ຟຟລ  4 ສາຂາ ທາງພາກເໜືອເຂົ້າຮ່ວມຄື: ຟຟລ  ສາຂາ ແຂວງບໍ່ແກ້ວ, ຟຟລ ສາຂາແຂວງອຸດົມໄຊ, ຟຟລ ສາຂາແຂວງຫຼວງນໍ້າທາ ແລະ ຟຟລ ສາຂາ ແຂວງຜົ້ງສາລີ ລວມຜູ້ເຂົ້າຮ່ວມທັງໝົດ 30 ກວ່າທ່ານ, ພິທີດັ່ງກ່າວແມ່ນໄດ້ ຈັດຂື້ນທີ່ ຟຟລ  ສາຂາ ແຂວງບໍ່ແກ້ວ.

                ໃນກອງປະຊຸມ ທ່ານ ພອນສະຫວັນ ອຸດົມ ຫົວໜ້າຫ້ອງການຂໍ້ມູນຂ່າວສານ-ປະຊາສຳພັນ ໄດ້ຂື້ນລາຍງານ ແລະ ກ່າວຈຸດປະສົງຂອງກອງປະຊຸມໃນຄັ້ງນີ້ ບາງຕອນທ່ານໄດ້ກ່າວວ່າ: ເພື່ອເຫັນໄດ້ຄວາມສໍາຄັນວຽກງານປະຊາສຳພັນໃຫ້ມີການພັດທະນາຢ່າງຕໍ່ເນື່ອງ ແລະ ຮອບດ້ານໄດ້ພະນັກງານ ວິຊາການ ປະຊາສຳພັນຕ້ອງມີຄວາມຮູ້ ຄວາມສາມາດ ເປັນຕົ້ນຄື: ດ້ານເຕັກນິກວິຊາການ, ມີຄວາມເປັນມາດຕະຖານດ້ານເນື້ອໃນ ແລະ ມີຮູບແບບໃນການໍາສະເໜີໃຫ້ສັງຄົມໄດ້ຮັບຮູ້ ແລະ ເຂົ້າໃຈໄປໃນທິດທາງດຽວກັນ ກໍ່ຄືທິດທາງລວມສູນໃນຮູບແບບປະຊາສຳພັນ  ພ້ອມກັນນັ້ນ ຕ້ອງເຫັນໄດ້ຄວາມໝາຍ ຄວາມສຊາຄັນ ແລະ ວິທີສະເໜີ ໂດຍຜ່ານຊື່ທາງ: ໂທລະພາບ, ວາລະສານ, ໜັງສືພີມ, ວິທະຍຸ ແລະ ດ້ວຍຮູບແບບອື່ນໆ ທີ່ເຫັນວ່າມີຄວາມເໝາະສົມຂອງຕົນເອງ ໃຫ້ໄດ້ຄຸນນະພາບ ແລະ ປະລິມານ ພ້ອມດຽວກັນການໂຄສະນາຕ້ອງ ໃຫ້ເຂົ້າເຖີ່ງປະຊາຊົນທຸກເພດ ທຸກໄວ ແລະ ທຸກສະຖານທີ່ ທີ່ລະບົບໄຟຟ້າໄປຮອດ, ເອກະສານທີ່ນໍາມາເຜີຍແຜ່ໃນຄັ້ງນີ້ປະກອບມີ: ພາລະບົດບາດວຽກງານຂໍ້ມູນຂ່າວສານ-ປະຊາສຳພັນ, ຄວາມໝາຍຄວາມສໍາຄັນຂອງວຽກງານປະຊາສຳພັນ, ການເກັບກຳຂ່າວ ການຂຽນຂ່າວ, ເຕັກນິກການລົງຂ່າວ, ການສົ່ງຂໍ້ມູນ ແລະ ຮູບພາບ ຜ່ານທາງ ອິນເຕີເນັດ ແລະ ຢູທູບ, ການລົງໂຄສະນາ ເຮັດກິດຈະກຳ ແລະ ຮູບແບບຂອງບູດສະແດງ ແລະ ການລົງພື້ນຖານໃນການປະຊາສຳພັນ.

              ລັດວິສາຫະກິດໄຟຟ້າລາວ ແມ່ນວິສາຫະກິດຂອງລັດເປັນຜູ້ຄົ້ນຄົ້ວຊອກຫາແຫຼ່ງທຶນ ແລະ ຫງົບປະມານ ທັງພາຍໃນ ແລະ ຕ່າງປະເທດເພື່ອມາພັດທະນາລະບົບໄຟຟ້າໃນ ສປປລາວ ໃຫ້ມີພະລັງງານທີ່ພຽງພໍໃນການຊົມໃຊ້ ແລະ ມີສ່ວນເຫຼືອແລ້ວສົ່ງຂາຍອອກຕ່າງປະເທດເພື່ອນຳເອົາເງິນຕາສາກົນມາພັດທະນາ ເສດຖະກິດ-ສັງຄົມ ຕາມແຜນພັດທະນາປະເທດຊາດທີ່ ພັກ-ລັດຖບານ ໄດ້ວາງອອກ ເພື່ອໃຫ້ປະຊາຊົນບັນດາເຜົ່າໃນທົ່ວປະເທດໃຫ້ມີຊີວິດດີຂື້ນຕາມລຳດັບ.