ລັດວິສາຫະກິດໄຟຟ້າລາວ ສາຂາ ແຂວງຊຽງຂວາງ ທັດສະນະສຶກສາ ທີ່ ໄຟຟ້າລາວສາຂາແຂວງວຽງຈັນ ແລະ ເຂື່ອນໄຟຟ້ານໍ້າງື່ມ 1



       ໃນລະຫ່ວາງວັນທີ 5-7 ມີນາ 2017 ທີ່ຜ່ານມາ  3 ອົງການຈັດຕັ້ງມະຫາຊົນ ລັດວິສາຫະກິດໄຟຟ້າລາວ(ຟຟລ) ສາຂາ ແຂວງ ຊຽງຂວາງ ໄດ້ໄປທັດສະນະ ສຶກສາ ແລກປ່ຽນບົດຮຽນດ້ານການເຄື່ອນໄຫວວຽກງານ 3 ອົງການຈັດຕັ້ງມະຫາຊົນ ແລະ ດ້ານວິຊາສະເພາະ ທີ່ ຟຟລ ສາຂາ ແຂວງວຽງຈັນ ແລະ ເຂື່ອນໄຟຟ້ານ້ຳງື່ມ 1, ນໍາພາໂດຍ ທ່ານ ສີສຸພັນ ພົມມະຈັນ ຄະນະພັກຮາກຖານ ຮອງຫົວໜ້າສາຂາຜູ້ຊີ້ນໍາວຽກງານ 3 ອົງການຈັດຕັ້ງມະຫາຊົນ, ມີບັນດາຄະນະນຳ 3 ອົງການຈັດຕັ້ງ ມະຫາຊົນພ້ອມດ້ວຍສະມາຊິກລວມທັງໝົດ ຈຳນວວນ 26 ສະຫາຍ. ເຂົ້າຮ່ວມທັດສະນະສຶກສາໃນຄັ້ງນີ້ ຈຸດປະສົງກໍ່ເພື່ອຖອດຖອນແລກປ່ຽນບົດຮຽນກ່ຽວກັບ ວຽກງານ 3 ອົງການຈັດຕັ້ງມະຫາຊົນເພື່ອແນ່ໃສ່ສ້າງອົງການຈັດຕັ້ງມະຫາຊົນ ໃຫ້ເຂັ້ມແຂງປະຕິບັດຂໍ້ແຂ່ງຂັນ ຊາວໜຸ່ມ 4 ບຸກ, ແມ່ຍິງ 3 ດີ, ກຳມະບານ 5 ເປັນເຈົ້າ ໃຫ້ໃດ້ຮັບໝາກຜົນດີ ແລະ ຖອດຖອນບົດຮຽນ ດ້ານວຽກງານວິຊາສະເພາະໃຫ້ໄດ້ຮັບໜາກຜົນ ແລະ ຄຸນນະພາບໂດຍສະເພາະ ການຈັດຕັ້ງປະຕິບັດວຽກງານ Loss, ວຽກງານໜີ້ສີນ ແລະ ວຽກງານໃຫ້ການບໍລິການລູກຄ້າໃຫ້ມີປະສິດທິຜົນສູງຂຶ້ນເລື້ອຍໆ.