ລັດວິສາຫະກິດໄຟຟ້າລາວ ເຂົ້າຮ່ວມເປີດບູດໃນງານບຸນນະມັດສະການພະທາດຫຼວງ ປະຈຳປີ 2019

06-11-2019.




     ບຸນນະມັດສະການພຣະທາດຫຼວງ ປະຈຳປີ 2019, ເປັນບຸນປາງໃຫຍ່ຂອງຊາວລາວໂດຍເປັນກຽດເຂົ້າຮ່ວມຂອງພະນະ ທ່ານ ບຸນທອງ ຈິດມະນີ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ ປະທານອົງການກວດກາລັດຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ມີບັນດາການນຳພັກ-ລັດຂັ້ນສູງ ແລະ ພາກສ່ວນກ່ຽວຂ້ອງເຂົ້າຮ່ວມ. ໃນນັ້ນ ລັດວິສາຫະກິດໄຟຟ້າລາວ ກໍໄດ້ເຂົ້າຮ່ວມເອົາຜົນງານຫຼາຍດ້ານມາສະແດງເປັນຕົ້ນ: ໝໍ້ນັບໄຟທັນສະໄໝ ຫຼື (Smart Meter), ການຊໍາລະຄ່າກະແສໄຟຟ້າເຄື່ອນທີ່, ການແນະນໍາການໃຊ້ໄຟຟ້າ, ການສະແດງລະຄອນ, ການຫລີ້ນກິດຈະກຳ ແລະ ແຈກຂອງທີ່ລະນຶກຈາກໄຟຟ້າລາວ ເຊິ່ງບູດໄດ້ເປີດໃຫ້ບໍລິການ ໃນລະຫວ່າງວັນທີ 5 ຫາ 11 ພະຈິກ 2019 ທີ່ເດີ່ນພະທາດຫຼວງວຽງຈັນ.