ກອງປະຊຸມໃຫຍ່ຄັ້ງ XII ຂອງສະຫະພັນກໍາມະບານຮາກຖານ ລັດວິສາຫະກິດໄຟຟ້າລາວ

29-03-2019.




        ກອງປະຊຸມໃຫຍ່ຄັ້ງ XII ຂອງສະຫະພັນກໍາມະບານຮາກຖານ ລັດວິສາຫະກິດໄຟຟ້າລາວ (ຟຟລ)  ໄດ້ໄຂຂື້ນໃນຕອນບ່າຍວັນທີ 29 ມີນາ 2019, ຢູ່ຫ້ອງປະຊຸມສໍານັກງານໃຫຍ່  ຟຟລ ນະຄອນຫຼວງວຽງຈັນ, ມີ ທ່ານ ປ້ານ ນ້ອຍມະນີ ກໍາມະການສູນກາງພັກ ປະທານສູນກາງສະຫະພັນກຳມະບານລາວ, ທ່ານ ບຸນທຽມ ໄຊສົງຄາມ ປະທານສະຫະພັນກຳມະບານ ກະຊວງພະລັງງານ-ບໍ່ແຮ່ ແລະ  ທ່ານ ບຸນອູ້ມ ສີວັນເພັງ ຄະນະພັກຮາກຖານຜູ້ອໍານວຍການໃຫ່ຍ ຟຟລ ເປັນປະທານຮ່ວມ, ມີສະມາຊິກກຳມະບານອ້ອມຂ້າງລັດວິສາຫະກິດໄຟຟ້າລາວເຂົ້າທັງໜົດ 644ສະຫາຍ, ຍິງ 456 ສະຫາຍ. ໃນກອງປະຊຸມ ທ່ານ ໂສພອນ ສາຍຊົນຈະເລີນ ປະທານສະຫະພັນກໍາມະບານໄຟຟ້າລາວ ໄດ້ຂື້ນຜ່ານບົດລາຍງານການເຄື່ອນໄຫວວຽກງານ 5 ປີ ແລະ ແຜນການໃນຕໍ່ໜ້າ. ເພື່ອຍົກສູງຄຸນນະພາບຂອງສະມາຊິກກຳມະບານໃຫ້ມີຄວາມ ເຂັ້ມແຂງ ໜັກແໜ້ນ ຮອບດ້ານເຊັ່ນ: ດ້ານການເມືອງ-ແນວຄິດ, ການຈັດຕັ້ງ ແລະ ແບບແຜນໃຫ້ຖືກຕ້ອງ ຕາມແຜນນະໂຍບາຍຂອງພັກ, ລະບຽບການຕ່າງໆ ຂອງລັດ ປະກອບສ່ວນໃນການ ພັດທະນາເສດຖະກິດ-ສັງຄົມ ຕາມຂໍ້ແຂ່ງຂັນ 5 ເປັນເຈົ້າຂອງສູນກາງສະຫະພັນກໍາມະບານລາວ, ພ້ອມກັນນັ້ນ ກອງປະຊຸມກໍ່ໄດ້ບ່ອນບັດຄັດເລືອກເອົາຄະນະບໍລິຫານງານ ສະຫະພັນກໍາມະບານໄຟຟ້າລາວຊຸດໃໝ່ ຈາກຜູ້ສະມັກ 15 ທ່ານ ເອົາ 11 ທ່ານ ໃນນັ້ນ ກອງປະຊຸມ ປະຖົມມະລຶກເຫັນດີຮັບຮອງເອົາ ທ່ານ ບຸນເອື້ອ ສີວັນເພັງ ເປັນປະທານຊຸດໃໝ່, ທ່ານ ວິລະພອນ ວິຊຸນນະລາດ ເປັນຮອງປະທານ, ທ່ານ ນາງ ສຸກສັນ ພົງພິລາ ເປັນຮອງປະທານ ແລະ ທ່ານ ວັນຄຳ ແສງເມືອງ ເປັນປະທານກວດກາຈາກນັ້ນ ກອງປະຊຸມກໍ່ໄດ້ຮັບຟັງການໂອລົມຈາກປະທານ ແລະ ກອງປະຊຸມກໍ່ໄດ້ປິດລົງດ້ວຍຜົນສໍາເລັດອັນຈົບງາມ.