ກອງປະຊຸມແລກປ່ຽນການວັດທະນະທຳ ລະຫວ່າງ ລັດວິສາຫະກິດໄຟຟ້າລາວ ແລະ ບໍລິສັດ ໄຟຟ້າຫວຽດນາມ

19-06-2018.




           ໃນລະຫວ່າງວັນທີ 14-15 ມິຖຸນາ 2018 ທີ່ ນະຄອນເຊີ່ມເຊີນ ແຂວງ ແທັງຮົວ, ສສ ຫວຽດນາມ ຄະນະຜູ້ແທນ ຈາກ ລັດວິສາຫະກິດໄຟຟ້າລາວ ນໍາໂດຍ ທ່ານ ຄຳປະເສີດ ເທບປັນຍາ ຮອງຜູ້ອຳນວຍການໃຫຍ່ ພ້ອມດ້ວຍຄະນະໄດ້ເດີນທາງໄປທີ່ ນະຄອນແທັງຮົວ ສສ ຫວຽດນາມເພື່ອເຂົ້າຮ່ວມກອງປະຊຸມ. ໂດຍໄດ້ຮັບການຕ້ອນຮັບຈາກ ຮອງປະທານ ສະຫະບໍລິສັດ ໄຟຟ້າຫວຽດນາມ ທ່ານ Vo Quang Lam. ພາຍໃນກອງປະຊຸມແລກປ່ຽນໃນຄັ້ງນີ້ທັງສອງໄຟຟ້າ EDL-EVN ໄດ້ລາຍງານສະພາບການພັດທະນາທຸລະກິດ ໃນໄລຍະຜ່ານມາ. ການແລກປ່ຽນບົດຮຽນ ປະສົບການເຊີ່ງກັນ ແລະ ກັນ ໂດຍຕີລາຄາສູງການຮ່ວມມືລະຫວ່າງ 2 ຊາດ ລາວ-ຫວຽດນາມ ຈະຢືນຍົງທະນົງແມ່ນຕະຫຼອດໄປຄຽງຄູ່ເສດຖະກິດ-ສັງຄົມ ເພີ່ມພູນການສ້າງສາຍພົວພັນພິເສດທັງສອງຝ່າຍ. ນອກຈາກນັ້ນແລ້ວ ທັງສອງຝ່າຍຍັງໄດ້ປຶກສາຫາລືການຕອບສະໜອງພະລັງງານໄຟຟ້າ ລຽບຕາມຊາຍແດນ ລາວ-ຫວຽດນາມ, ການຊື້-ຂາຍ ພະລັງງານ,ທຶນການສຶກສາ ເພື່ອພັດທະນາບຸກຄະລາກອນ ໃນລະດັບປະລິນຍາໂທ ທີ່ມະຫາວິທະຍາໄລຫວຽດນາມ ເອົາໃຈໃສ່ຊຸກຍູ້ວຽກງານການປະຢັດພະັລງງານໄຟຟ້າເພິີ່ມສະຖຽນລະພາບຂອງພະລັງງານຊົມໃຊ້ຂອງສອງປະເທດໃຫ້ໝັ້ນຄົງ. ພິເສດພາຍຫຼັງ ກອງປະຊຸມແລກປ່ຽນສຳເລັດແລ້ວກໍ່ຍັງໄດ້ມີການຈັດກິດຈະກຳພິເສດ ເຕະບານມິດຕະພາບ ລະຫວ່າງ EDL-EVN ເພື່ອກະຊັບຫັດແໜ້ນ ຄວາມສາມັກຄີ, ຄວາມປະທັບໃຈ ເຊີ່ງກັນ ແລະ ກັນ ໃຫ້ມີສີສັນໃນເກມກິລາ ແລະ ກອງເຊຍໃນຄັ້ງນີ້.