ລັດວິສາຫະກິດໄຟຟ້າລາວ ໄດ້ລົງມອບເຄື່ອງອຸປະໂພກ-ບໍລິໂພກ ຊ່ວຍເຫລືອຜູ້ປະສົບໄພນໍ້າຖ້ວມທີ່ແຂວງສະຫວັນນະເຂດ

03-11-2020.




   ລັດວິສາຫະກິດໄຟຟ້າລາວ ສໍານັກງານໃຫຍ່ ນະຄອນຫຼວງວຽງຈັນ, ໂດຍການຊີ້ນໍາໆພາຂອງ ຄະນະພັກ ຄະນະອໍານວຍການ ສົມທົບກັບ 3 ອົງການຈັດຕັ້ງມະຫາຊົນ ລັດວິສາຫະກິດໄຟຟ້າລາວ, ​ບໍລິສັດ ຜະລິດໄຟຟ້າລາວ ມະຫາຊົນ ແລະ ບໍລິສັດ ນໍ້າງື່ມ3 ພາວເວີ້ ຈໍາກັດ ໄດ້ກຽມເຄື່ອງອຸປະໂພກບໍລິໂພກ ເພື່ອນໍາໄປມອບໃຫ້ປະຊາຊົນຜູ້ໄດ້ຮັບຜົນກະທົບໄພພິບັດ ນໍ້າຖ້ວມ ຢູ່ແຂວງສະຫວັນນະເຂດ ເພື່ອເປັນການແບ່ງປັນຄວາມເສຍຫາຍ ແລະ ບັນເທົາທຸກພ້ອມທັງເປັນກໍາລັງໃຈໃຫ້ປະຊາຊົນຜູ້ໄດ້ຮັບຜົນກະທົບ 8 ເມືອງ ໃນນັ້ນຈະມີ ເຄື່ອງອຸປະໂພກບໍລິໂພກ ແລະ ຢາປົວພະຍາດຈໍານວນໜຶ່ງ ມາໃນວັນທີ 03 ພະຈິກ 2020 ຢູ່ທີ່ ຫ້ອງວ່າການປົກຄອງແຂວງ ແຂວງສະຫວັນນະເຂດ ຈີ່ງໄດ້ມີພິທີ ມອບ-ຮັບ ເຄື່ອງອຸປະໂພກບໍລິໂພກ ຢ່າງເປັນທາງການລະຫວ່າງ ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງ ແຂວງ ສະຫວັນນະເຂດ ແລະ​ ທ່ານ ຈັນທະບູນ ສຸກອາລຸນ ຜູ້ວ່າການອໍານວຍການໃຫຍ່ ລັດວິສາຫະກິດໄຟຟ້າລາວ  ມີ ທ່ານ ສຸລິ ວົງແສງແກ້ວ ຫົວຫນ້າສາຂາ ລັດວິສາຫະກິດໄຟຟ້າລາວ ແຂວງສະຫວັນນະເຂດ ພ້ອມດ້ວຍຄະນະ ລວມເປັນມູນຄ່າ 150 ລ້ານກີບ ພາຍຫລັງສຳເລັດການມອບເຄື່ອງແລ້ວ ທ່ານ ຈັນທະບູນ ສຸກອາລຸນ ຜູ້ວ່າການອໍານວຍການໃຫຍ່ ລັດວິສາຫະກິດໄຟຟ້າລາວ ພ້ອມດ້ວຍຄະນະ ແລະ 3 ອົງການຈັດຕັ້ງ ຍັງໄດ້ເດີນທາງລົງຢ້ຽມຍາມຜູ້ປະສົບໄພ ແລະ ຕິດຕາມກວດກາຄວາມເສຍຫາຍຂອງລະບົບສາຍສົ່ງໄຟຟ້າແຮງດັນ 22 ແລະ 0,4 ກວ ທີ່ ບ້ານລະຫານໍ້າ ເມືອງສອງຄອນ ແຂວງສະຫວັນນະເຂດ.