ກອງປະຊຸມໃຫຍ່ຄັ້ງທີ IV ຂອງບັນດາໜ່ວຍພັກທີ່ຂຶື້ນກັບຄະນະພັກຮາກຖານ ລັດວິສາຫະກິດໄຟຟ້າລາວ

18-06-2020.


orologi replica rolex replica replica rolex



  ໃນວັນທີ 18 ມິຖຸນາ 2020,  ຢູ່ທີ່  ສໍານັກງານໃຫຍ່ ລັດວິສາຫະກິດໄຟຟ້າລາວ ນະຄອນຫລວງວຽງຈັນ ໄດ້ມີກອງປະຊຸມໃຫຍ່ຄັ້ງທີ IV ຂອງ 08 ໜ່ວຍພັກທີ່ຂຶື້ນກັບຄະນະພັກຮາກຖານ ລັດວິສາຫະກິດໄຟຟ້າລາວຂື້ນ,  ໂດຍການເປັນປະທານຂອງ ສະຫາຍ ນາງ ຈັນສະຫວາດ ບຸບຜາ ຄະນະປະຈຳພັກ ຮອງລັດຖະມົນກະຊວງພະລັງງານ ແລະ ບໍ່ແຮ່, ໃນກອງປະຊຸມ ເລຂາໜ່ວຍພັກແຕ່ລະໜ່ວຍໄດ້ຂື້ນລາຍງານ ການເມືອງ ແລະ ບົດສໍາຫລວດການນໍາພາຂອງຄະນະພັກຂອງຕົນພ້ອມກັນນັ້ນແຕ່ລະໜ່ວຍກໍ່ໄດ້ ຕີລາຄາດ້ານດີ, ດ້ານອອ່ນ, ຂໍ້ໂຄງຄ້າງ ແລະ ບົດຮຽນທີ່ຖອດຖອນໄດ້ໃນການຊີ້ນໍາ-ນໍາພາ ແລະ ກອງປະຊຸມຍັງໄດ້ປ່ອນບັດຄັດເລືອກເອົາຄະນະພັກຊຸດໃໝ່ຄື: ໜ່ວຍພັກບໍລິຫານ 01, ສະຫາຍ ບຸນເອື້ອ ສີວັນເພັງ. ໜ່ວຍພັກບໍລິຫານ 03, ສະຫາຍ ກຽງສັກ ປຣັກສາດທອງ ເປັນເລຂາ,  ໜ່ວຍພັກສູນຝຶກ-ສ້ອມແປງ, ສະຫາຍ ຄໍາສະເຫວີຍ ໄຊຍະແສງ ເປັນເລຂາ, ໜ່ວຍພັກ ທຸລະກິດ 02 ສະຫາຍ ໄກ່ແກ້ວ ໄຊຍະສານ ເປັນເລຂາ, ໜ່ວຍພັກ ສາຍສົ່ງສະຖານີ 01 ສະຫາຍ ບຸນມີ ພັນທະລັງສີ ເປັນເລຂາ, ໜ່ວຍພັກສາຍສົ່ງ ສະຖານີ 02 ສະຫາຍ ຍັນຄໍາ ດວງສະຫວັນ ເປັນເລຂາ, ໜ່ວຍພັກສາຍສົ່ງ - ສະຖານີ03 ສະຫາຍ ວິລະພອນ ວິຊຸນນະລາດ ເປັນເລຂາ ແລະ  ໜ່ວຍພັກສາຍສົ່ງ-ສະຖານີ 04 ສະຫາຍ ບຸນເກື້ອ ໄຊຍະສອນ ເປັນເລຂາ ຫລັງຈາກນັ້ນ ກອງປະຊຸມກໍ່ໄດ້ຮັບຟັງການໃຫ້ໂອ້ລົມ ຂອງ ສະຫາຍ ນາງ ຈັນສະຫວາດ ບຸບຜາ ຄະນະພັກກະຊວງ ຮອງລັດລັດຖະມົນກະຊວງພະລັງງານ ແລະ ບໍ່ແຮ່ ແລະ ກອງປະຊຸມກໍ່ໄດ້ປິດລົງດ້ວຍຜົນສຳເລັດອັນຈົບງາມ.