ກອງປະຊຸມສະຫຼຸບວຽກປີ 2019 ແລະ ແຜນສູ້ຊົນ ປີ 2020 ຂອງ ລັດວິສາຫະກິດໄຟຟ້າລາວ

02-03-2020.




ກອງປະຊຸມສະຫຼຸບວຽກປີ 2019 ແລະ ແຜນສູ້ຊົນ ປີ 2020 ຂອງ ລັດວິສາຫະກິດໄຟຟ້າລາວ(ຟຟລ) ໄດ້ໄຂຂື້ນຢ່າງເປັນທາງການ, ໃນວັນທີ 27-28 ກຸມພາ 2020 ຢູ່ທີ່ສໍານັກງານໃຫຍ່ ຟຟລ ນະຄອນຫຼວງວຽງຈັນ, ໂດຍມີ ທ່ານ ບຸນອຸ້ມ ສີວັນເພັງ ຜູ້ອໍານວຍການໃຫຍ່ ຟຟລ ເປັນປະທານ ແລະ ໃຫ້ກຽດເຂົ້າຮ່ວມມີ ທ່ານ ປອ ຄໍາມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ພ້ອມ ຫົວໜ້າກົມ, ຮອງກົມ ແຂກທີ່ຖືກເຊີນ ພະນັກງານ ກໍາມະກອນ ຟຟລ ເຂົ້າຮ່ວມ. ໃນກອງປະຊຸມແຕ່ລະຝ່າຍກໍ່ໄດ້ຂື້ນລາຍງານວຽກວິຊາສະເພາະເປັນຕົ້ນ ວຽກງານບຸກຄະລາກອນ, ວຽກບໍລິຫານ, ການເງິນ, ທຸລະກິດ, ການກໍ່ສ້າງສາຍສົ່ງ-ສະຖານີ, ກໍ່ສ້າງເຂື່ອນ ແລະ ເຕັກນິກ ໃນນັ້ນ ວຽກງານການຜະລິດພະລັງງານໄຟຟ້າ ຮອດປະຈຸບັນທົົ່ວປະເທດ ມີແຫຼ່ງຜະລິດພະລັງງານໄຟຟ້າ ທັງໝົດ 78 ແຫ່ງ ມີກໍາລັງຕິດຕັັ້ງ ທັງໝົດ 9.971,9 MW, ປະກອບມີ 33 ແຫ່ງ ເປັນຂອງ IPP ເຊິ່ງມີກໍາລັງຕິດຕັັ້ງ ທັງໝົດ 8.863,8 MW, ໃນນີ້ແມ່ນ ສະໜອງໃຫ້ ຟຟລ ຈໍານວນ 2.902,8 MW ສ່ວນທີ່ເຫຼືອ ຈໍານວນ 5.961 MW ແມ່ນສົົ່ງຂາຍໃຫ້ຕ່າງປະເທດໂດຍກົງ. ມີ 24 ແຫ່ງ ເປັນຂອງ SPP ມີກໍາລັງຕິດຕັັ້ງ 187,6 MW, ສະໜອງໃຫ້ ຟຟລ.  16 ແຫ່ງ ເປັນຂອງ ຜ-ຟຟລ ມີກໍາລັງຕິດຕັັ້ງ 731 MW, ສະໜອງໃຫ້ ຟຟລ.  5 ແຫ່ງ ເປັນຂອງ ຟຟລ ມີກໍາລັງຕິດຕັັ້ງ 189,5 MW. ລະບົບສາຍສົ່ງໄຟຟ້າປະຈຸບັນ ມີສະຖານີໄຟຟ້າແຮງສູງ 64 ແຫ່ງ, ສະຖານີ 230/115 kV ຈໍານວນ 13 ແຫ່ງ, ສະຖານີ 115/22 kV ຈໍານວນ 51 ແຫ່ງ.  ມີລະບົບສາຍສົົ່ງໄຟຟ້າແຮງສູງຍາວ 9.322 km ມີລະບົບຕາຂ່າຍແຮງດັນກາງ 22 kV ຍາວ ທັງໝົດ 33.270 km, ລະບົບຕາຂ່າຍແຮງດັນຕໍ່າ 0,4 kV ຍາວ 20.059 km ມີໝໍ້ແປງລະບົບຈໍາໜ່າຍທັງໝົດ 31.464 ໜ່ວຍ, ມີໝໍ້ນັບໄຟທີ່ ຟຟລ ຄຸູ້ມຄອງ ທັງໝົດ 1.486.814 ໜ່ວຍ ໃນຕອນທ້າຍຂອງ ກອງປະຊຸມກໍ່ໄດ້ຮັບຟັງການໂອລົມຂອງທ່ານ ລັດຖະມົນຕີກະຊວງພະລັງງານ ແລະ ບໍ່ແຮ່      ແລະ ກອງປະຊຸມກໍ່ໄດ້ປິດລົງໃນຕອນແລງຂອງວັນທີ 28 ກຸມພາ 2020 ດ້ວຍຜົນສໍາເລັດ.