ການແຂ່ງຂັນກິລາມິດຕະພາບປະຈໍາປີລະຫວ່າງ ລັດວິສາຫະກິດໄຟຟ້າລາວ ແລະ ການໄຟຟ້າຝ່າຍຜະລິດແຫ່ງປະເທດໄທ

24-02-2020.




ເພື່ອເສີມສ້າງສາຍພົວພັນຮ່ວມມືລະຫວ່າງ 2 ອົງກອນ, ໃນວັນທີ 22 ກຸມພາ 2020 ໄດ້ມີພິທີຈັດການແຂ່ງຂັນກິລາມິດຕະພາບປະຈໍາປີ2020 ລະຫວ່າງ ລັດວິສາຫະກິດໄຟຟ້າລາວ(ຟຟລ) ກັບ ການໄຟຟ້າຝ່າຍຜະລິດແຫ່ງປະເທດໄທ(ກຟຜ) ຢ່າງເປັນທາງການ ເຊີ່ງພິທີໄດ້ຈັດຂື້ນຢູ່ທີ່ເດີນກິລາເຕະບານລ້ານຊ້າງອິນທາ ນະຄອນຫຼວງວຽງຈັນ, ໂດຍມີ ທ່ານ ບຸນອູ້ມ ສີວັນເພັງ ຜູ້ອໍານວຍການໃຫຍ່ ຟຟລ ເປັນປະທານ ແລະ ທ່ານ ເຣີງໄຊ ຄົງທອງ ຮອງຜູ້ວ່າການລະບົບສົ່ງ ກຟຜ ພ້ອມຄະນະ ມີຄະນະຜູ້ບໍລິຫານ ພະນັກງານ ກໍາມະກອນ ນັກກິລາ ແລະ ກອງເຊຍຂອງທັງສອງຝ່າຍເຂົ້າຮ່ວມຢ່າງພ້ອມພຽງ. ການແຂ່ງຂັນກິລາມິດຕະພາບແມ່ນໄດ້ຈັດຂື້ນທຸກໆປີເຊີ່ງໃນນັ້ນໄດ້ປ່ຽນກັນເປັນເຈົ້າພາບໃນແຕ່ລະປີ ເຊີ່ງປີນີ້ ຟຟລ ໄດ້ຮັບກຽດເປັນເຈົ້າພາບ ຈຸດປະສົງຂອງການແຂ່ງຂັນກໍ່ເພື່ອສ້າງຄວາມສາມະຄີລະຫວ່າງສອງອົງກອນ ໃນນັ້ນ ການແຂ່ງຂັນໄດ້ຈັດໃຫ້ມີ 4 ປະເພດກິລາຄື: ກິລາຕີກ໋ອບ, ກິລາດອກປີກໄກ່, ເປຕັ່ງ ແລະ ເຕະບານ ເຊີ່ງຜົນຂອງການແຂ່ງຂັນມີຄື ຟຟລ ສາມາດຍາດໄດ້ການແຂ່ງຂັນຕີກ໋ອບ ແລະ ເປຕັ່ງ ສ່ວນ ກຟຜ ແມ່ນສາມາດຍາດໄດ້ ການແຂ່ງຂັນຕີດອກປີກໄກ່ ແລະ ເຕະບານ ຫຼັງຈາກນັ້ນ ສອງຝ່າຍກໍ່ໄດ້ມີງານລ້ຽງພົບປະເຊີ່ງກັນ ແລະ ກັນ ເພື່ອຊົມເຊີຍຜົນສໍາເລັດຂອງການແຂ່ງຂັນ ແລະ ປີຕໍ່ໄປ ຟຟລ ກໍ່ໄດ້ມອບໃຫ້ ກຟຜ ເປັນເຈົ້າພາບ ແລະ ພິທີກໍ່ໄດ້ຈົບລົງດ້ວຍຜົນສໍາເລັດ.