ກອງປະຊຸມແລກປ່ຽນບົດຮຽນກ່ຽວກັບການຄຸ້ມຄອງ ແລະ ການດຳເນີນທຸລະກິດ ດ້ານການກໍ່ສ້າງ ແລະ ຕິດຕັ້ງໄຟຟ້າທົ່່ວໄປ

29-01-2019.




ໃນ​ວັນ​ທີ 29 ມັງກອນ 2019 ຢູ່ທີ່​ຫ້ອງ​ປະຊຸມ​ໃຫຍ່ ລັດ​ວິ​ສາ​ຫະກິດ​    ໄຟຟ້າ​ລາວ ສຳນັກງານໃຫຍ່ ນະຄອນຫຼວງວຽງຈັນ ໄດ້ເປິ​ດກອງ​ກອງປະຊຸມແລກປ່ຽນບົດຮຽນກ່ຽວກັບການຄຸ້ມຄອງ ແລະ ການດຳເນີນທຸລະກິດດ້ານການກໍ່ສ້າງ ແລະ ຕິດຕັ້ງໄຟຟ້າທົ່ວໄປ ໂດຍ​ການ​ເປັນ​ປະ​ທານ ຂອງ ທ່ານ ທອງພັດ    ອິນທະວົງ ຮອງລັດຖະມົນຕີກະຊວງພະລັງງານ ແລະ ບໍ່ແຮ່, ຄະນະກວດກາ, ຫົວໜ້າກົມ, ຮອງກົມ ກະຊວງພະລັງງານ ແລະ ບໍ່ແຮ່, ມີຄະນະອຳນວຍການ        ລັດວິສາຫະກິດໄຟຟ້າລາວ ພ້ອມດ້ວຍ ພະນັກງານ-ວິຊາການ ເຂົ້າຮ່ວມ. ໃນກອງປະຊຸມ ທ່ານ ສີຈາດ ບຸດຊາກິດຕິຣາດ ຫົວໜ້າກົມຄຸ້ມຄອງພະລັງງານ ແລະ ບໍ່ແຮ່ ໄດ້ຂື້ນລາຍງານສະພາບການຄຸ້ມການດຳເນີນທຸລະກິດໄຟຟ້າ  ໃນປະຈຸບັນມີແຫຼ່ງພະລັງງານໄຟຟ້າ 61 ແຫ່ງ ລວມມີກຳລັງຕິດຕັ້ງເຖິງ 7207,24 ເມກາວັດ, ສາມາດຜະລິດໄຟຟ້າໄດ້ 37.366,66 ກິກາວັດໂມງ, ມີເຂື່ອນຜະລິດກະແສໄຟຟ້າຂະໜາດກາງ ຫາ ຂະໜາດໃຫຍ່ 32 ແຫ່ງ, ເຂື່ອນຂະໜາດນ້ອຍ 15 ເມກາວັດ ລວມມີ 21 ແຫ່ງ, ໂຮງງານ ໄຟຟ້າຖ່ານຫີນ 1 ແຫ່ງ, ໂຄງການໄຟຟ້າທົດແທນ 2 ແຫ່ງ ແລະ ໂຄງການ ໄຟຟ້າແສງຕາເວັນ 5 ແຫ່ງ. ໃນນັ້ນໂຄງການກໍ່ສ້າງ ແຫຼ່ງຜະລິດ ພະລັງງານໄຟຟ້າ ທີ່ດໍາເນີນການກໍ່ສ້າງ ແລະ ຄາດວ່າຈະສຳເລັດນັບແຕ່ປີ 2019 ຫາ 2020 ຈຳນວນ 36 ໂຄງການ ແລະ ຈະມີກຳລັງຕິດຕັ້ງ 4.184,10 ເມກາວັດ, ສາມາດຜະລິດພະລັງານໄຟຟ້າໄດ້ 20.892,99 ກິກາວັດໂມງຕໍ່ປີ, ໃນນັ້ນມີເຂື່ອນຂະໜາດກາງ ຫາ ໃຫຍ່ 14 ໂຄງການ ແລະ ມີເຂື່ອນຂະໜາດນ້ອຍ 15 ເມກາວັດລົງມາ 22 ໂຄງການ. ກອງປະຊຸມຈະໄດ້ດຳເນີນເປັນ 02 ວັນຈຶ່ງຈະປິດລົງ.