ລັດວິສາຫະກິດໄຟຟ້າລາວ ລົງເຄື່ອນໄຫວມອບເຄື່ອງຊ່ວຍເຫຼືອຜູ້ປະສົບໄພນໍ້າຖ້ວມ ໃນພາກກາງ ແລະ ພາກໃຕ້

22-01-2020.




         ໃນລະຫວ່າງ ວັນທີ 19-22 ມັງກອນ 2020, ການນໍາ ລັດວິສາຫະກິດໄຟຟ້າລາວ ນໍາໂດຍ ທ່ານ ວິລະພອນ ວິຊຸນນະລາດ ຜູ້ຊ່ວຍຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ ພ້ອມກັບສາມອົງການຈັດຕັ້ງ ມະຫາຊົນ ກໍາມະບານ ຊາວໜຸ່ມ, ແມ່ຍິງ ແລະ ພ້ອມກັບພາກສ່ວນທີ່ກ່ຽວຂ້ອງ ໄດ້ລົງໄປມອບເຄື່ອງອຸປະໂພກ ບໍລິໂພກ ແລະ ເງິນສົດຈໍານວນໜຶ່ງໃຫ້ກັບ ພະນັກງານ ກໍາມະກອນ ລັດວິສາຫະກິດໄຟຟ້າລາວ ທີ່ໄດ້ຮັບຜົນກະທົບ ຈາກໄພພິບັດນໍ້າຖ້ວມໃນປີທີ່ຜ່ານມາ ເຊີ່ງໃນນັ້ນ ມີ 05 ແຂວງທີ່ໄດ້ຮັບຜົນກະທົບຄື: ແຂວງຄໍາມ່ວນ, ແຂວງສະຫວັນນະເຂດ, ແຂວງຈໍາປາສັກ, ແຂວງສາລະວັນ ແລະ ແຂວງອັດຕະປື. ລວມມີ 189 ຄອບຄົວທີ່ໄດ້ຮັບຜົນກະທົບ ໃນນັ້ນໄດ້ແບ່ງອອກເປັນ 57 ຄອບຄົວ ທີ່ໄດ້ຮັບຜົນເສຍຫາຍໜັກ ແລະ 132 ຄອບຄົວເສຍຫາຍປານກາງ. ການຊ່ວຍເຫຼືອໃນຄັ້ງນີ້ ຖືໄດ້ວ່າເປັນການແບ່ງປັນ ແລະ ໃຫ້ກໍາລັງໃຈແກ່ອ້າຍນ້ອງພະນັກງານໄຟຟ້າລາວ ໃນບັນດາແຂວງພາກກາງ ແລະ ພາກໃຕ້ ເຊິ່ງໃນນັ້ນລວມເຖິງ ລະບົບສົ່ງໄຟຟ້າພາກໃຕ້, ເຄື່ອງຊ່ວຍເຫຼືອພ້ອມກັບເງິນ ໃນຄັ້ງນີ້ແມ່ນໄດ້ຈາກການລະດົມຂອງ ພະນັກງານ ກໍາມະກ່ອນ ແລະ ພາກສ່ວນທີ່ກ່ຽວຂ້ອງ ລວມມູນຄ່າ 270 ລ້ານກວ່າກີບ.