ກອງປະຊຸມສຳມະນາຮ່ວມມື EDL-JEPIC “ການຮັກສາ ຄວາມປອດໄພ ຂອງເຂື່ອນ

17-02-2020.



    ໃນ​ວັນ​ທີ 17 ກຸມພາ 2020 ນີ້  ຢູ່ທີ່ຕຶກສູນຝຶກອົບຮົມ  ລັດ​ວິ​ສາ​ຫະກິດ​ໄຟຟ້າ​ລາວ (ຟຟລ) ນະຄອນຫຼວງວຽງຈັນ ໄດ້ຈັດກອງປະຊຸມສຳມະນາຮ່ວມມື EDL-JEPIC ຂື້ນ ໃນຫົວຂໍ້ “ການຮັກສາ ຄວາມປອດໄພ ຂອງເຂື່ອນ” ​ໂດຍ​ການ​ເປັນ​ປະທານ​ຂອງ ທ່ານ ໂກມົນຈັນ ເພັດອາສາ ຮອງ​ຜູ້ອຳນວຍການ​ໃຫຍ່ ຟຟລ ແລະ ທ່ານ Hiroshi Murashige ອຳນວຍການ ພະແນກການຮ່ວມມື ດ້ານພະລັງງານໄຟຟ້າ ຂອງສູນຮ່ວມມືຂ່າວສານ ພະລັງງານໄຟຟ້າແຫ່ງປະເທດຍີ່ປຸ່ນ ມີຄະນະຜູ້ຊ່ຽວຊານ, ຄູ-ອາຈານ ແລະ ບັນດານັກສຳມະນາກອນ ຈາກຟຟລ ເຂົ້າຮ່ວມ ທັງໝົດ 66 ທ່ານ.  ການຮັກສາ ຄວາມປອດໄພ ຂອງເຂື່ອນ (Seminar on dam Safety) ເປັນລະບົບໜື່ງທີ່ສໍາຄັນ ແລະ ມີບົດບາດ ໃຫ້ໄກ້ຊິດ ແກ່ພະນັກງານໃນການ ກໍ່ສ້າງ ແລະ ບໍາລຸງຄວາມຮູ້ຄວາມສາມາດ ໃຫ້ແກ່ບຸກຄະລາກອນ ຢ່າງຕໍ່ເນື່ອງເວົ້າລວມ ເວົ້າສະເພາະ ວຽກງານກ່ຽວກັບ dam Safety ຍີ່ງເປັນບັນຫາທີ່ສໍາຄັນ ຢູ່ໃນ ຟຟລ ໃນການປົກປ້ອງເຂື່ອນໃຫ້ມີປະສິດທິພາບ ເພື່ອການປົກປ້ອງຊັບສິນ ແລະ ຄວາມປອດໄພ ຂອງປະຊາຊົນ ທີ່ຢູ່ອາໃສຢູ່ໃກ້ກັບເຂື່ອນໃຫ້ມີຄວາມປອດໄພໃນຂອບເຂດທົ່ວປະເທດ ຮັບປະກັນໄດ້ ຄວາມໜັ້ນຄົງ, ສະຖຽນລະພາບ ການພັດທະນາ ແລະ ການຂະຫຍາຍຕົວຂອງສັງຄົມ-ເສດຖະກິດໃນ ສປປ ລາວ ໄດ້ມີອັດຕາການພັດທະນາພະລັງງານໄຟຟ້າແບບກ້າວກະໂດດ, ໃນນັ້ນບັນດາແຫລ່ງຜະລິດກະແສໄຟຟ້າ ກໍ່ມີອັດຕາເພີ່ມຂື້ນຖ້າທຽບໃສ່ເມື່ຶອກ່ອນທັງພາກລັດ ແລະ ເອກະຊົນ ທັ້ງນີ້ກໍ່ເພື່ອຄຸ້ມຄອງ ບັນຊາ ແລະ ບຳລຸງຮັກສາ ຕ້ອງໄດ້ເພີ່ມການເອົາໃຈໃສ່ ຍົກສູງຄວາມຮູ້ ພະນັກງງານທີ່ເຮັດວຽກຢູ່ບ່ອນກ່ຽວຂ້ອງຕ້ອງໃດ້ຊອກຮູ້ຮໍ່າຮຽນ ແລະ ຍາດແຍ່ງປະສົບການກັບຊ່ຽວຊານຕ່າງປະເທດເພື່ອມາຄຸ້ມຄອງບໍຳລຸງຮັກສາເຂື່ອນຢູ່ ສປປ ລາວ ໃຫ້ມີຄວາມປອດໄພ. ໄລຍະຜ່ານມາ EDL-JEPIC ໄດ້ຈັດສຳມະນາຮ່ວມກັນແລ້ວທັງໜົດ 13 ຄັ້ງ.