ກອງປະຊຸມທາບທາມບຸກຄະລາກອນເປົ້າໝາຍສະໝັກຄະນະພັກກະຊວງພະລັງງານ ແລະ ບໍ່ແຮ່ ສະໄໝທີ III (ຮອບທີII)

12-08-2021.



ໃນວັນທີ 12 ສິງຫາ 2021 ທີ່ຫ້ອງປະຊຸມໃຫຍ່ ລັດວິສາຫະກິດໄຟຟ້າລາວ ໄດ້ເປີດກອງປະຊຸມທາບທາມບຸກຄະລາກອນເປົ້າໝາຍສະໝັກຄະນະພັກກະຊວງ ສະໄໝທີ III (ຮອບທີ II) ຂຶ້ນ ພາຍໃຕ້ການເປັນປະທານ ຂອງ ສະຫາຍ ປອ ດາວວົງ ພອນແກ້ວ ກໍາມະການສູນກາງພັກ, ເລຂາຄະນະພັກກະຊວງ ລັດຖະມົນຕີກະຊວງພະລັງງານ ແລະ ບໍ່ແຮ່, ໂດຍມີຄະນະພັກ-ຄະນະນໍາກະຊວງ, ຄະນະພັກຮາກຖານ, ຄະນະພັກໜ່ວຍ ພ້ອມດ້ວຍສະມາຊິກພັກ-ພະນັກງານຫຼັກແຫລ່ງອ້ອມຂ້າງຄະນະພັກກະຊວງພະລັງງານ ແລະ ບໍ່ແຮ່ ເຂົ້າຮ່ວມ 437 ສະຫາຍ ຍິງ 114 ສະຫາຍ. ກອງປະຊຸມໄດ້ຮັບຟັງການຜ່ານບັນດາເນື້ອໃນເອກະສານ ເປັນຕົ້ນແມ່ນ: ຮ່າງບົດລາຍງານການເມືອງ, ບົດສະຫຼຸບແຜນພັດທະນາ-ເສດຖະກິດສັງຄົມ 5 ປີ ຄັ້ງທີ VIII (2016-2020) ແລະ ແຜນການ 5 ປີ ຄັ້ງທີ IX (2021-2025) ແລະ ບົດສໍາຫຼວດການນໍາພາຂອງຄະນະພັກກະຊວງ ພ້ອມກັນນັ້ນຜູ້ເຂົ້າຮ່ວມກອງປະຊຸມກໍ່ໄດ້ປະກອບຄໍາຄິດເຫັນໃສ່ເນື້ອໃນເອກະສານດັ່ງກ່າວ. ຫຼັງຈາກນັ້ນ, ກອງປະຊຸມໄດ້ດໍາເນີນການທາບທາມບຸກຄະລາກອນເປົ້າໝາຍເພື່ອສະໝັກຄະນະພັກກະຊວງ ສະໄໝທີ III ແລະ ກອງປະຊຸມກໍ່ໄດ້ປິດລົງໃນວັນດຽວກັນ.