ພິທີທຳລາຍດອກໄຟກິນໄຟຫຼາຍ ພາຍຫຼັງປ່ຽນຖ່າຍ ພາຍໃນໂຮງໜໍ ມິດຕະພາບ (150 ຕຽງ)

04-10-2019.



           ໃນວັນທີ 4 ຕຸລາ 2019 ຢູ່ທີ່ໂຮງໝໍມິດຕະພາບ 150 ຕຽງ ບ້ານໂພນຕ້ອງ ເມືອງ ຈັນທະບູລີ ນະຄອນຫຼວງວຽງຈັນ,ໄດ້ມີພິທີທຳລາຍດອກໄຟທີ່ກິນໄຟຫຼາຍ ພາຍຫຼັງປ່ຽນຖ່າຍ ພາຍໃນໂຮງໝໍມິດຕະພາບ (150 ຕຽງ) ໂດຍການເປັນປະທານຂອງທ່ານ ດວງສີ ພາຣະຍົກ ຮອງຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ, ທ່ານ ດຣ ສະໜອງ ທອງຊະນະ ຜູ້ອຳນວຍການໂຮງໝໍມິດຕະພາບ, ມີກະຊວງພະລັງງານ ແລະ ບໍ່ແຮ່, ມີຄະນະຝ່າຍ, 3 ອົງການຈັດຕັ້ງມະຫາຊົນ ຟຟລ, ມີພະຍາບານ ແລະ ແຂກທີ່ຖືກເຊີນເຂົ້າຮ່ວມຢ່າງພ້ອມພຽງ. ໂຄງການຄຸ້ມຄອງການຊົມໃຊ້ໄຟຟ້າ ຢ່າງມີປະສິດຕິພາບແມ່ນໂຄງການໜຶ່ງຂອງລັດວິສາຫະກິດໄຟຟ້າລາວ ທີ່ມອບໃຫ້ຝ່າຍເຕັກນິກ ຫ້ອງການຫຼຸດຜ່ອນພະລັງງງານຕົກເຮ່ຍ ແລະ (DSM) ເປັນຜູ້ຈັດຕັ້ງປະຕິບັດ. ຈຸດປະສົງຫຼັກແມ່ນເພື່ອທຳລາຍ ແລະ ເກັບມ້ຽນ ບັນດາດອກໄຟທີ່ກິນໄຟຫຼາຍ ທີ່ຖືກປ່ຽນອອກ ຈາກໂຮງໝໍມິດຕະພາບ(150 ຕຽງ) ໃຫ້ຖືກວິທີ ແລະ ບໍ່ສົ່ງຜົນກະທົບຕໍ່ສິ່ງແວດລ້ອມ. ໂຄງການປະຢັດພະລັງງານໄຟຟ້າ ໃນຕຶກໂຮງໝໍມິດຕະພາບແມ່ນພາຍໃຕ້ງານສະເຫຼີມສະຫຼອງ 50 ປີ ສາຍສົ່ງ ສານສຳພັນພະລັງງານ ລາວ-ໄທ. ໂຮງໝໍມິດຕະພາບມີທັງໜົດ 11 ຕຶກ ,ໝໍ້ນັບໄຟ ມີ 11 ໜ່ວຍ ມີການຊົມໃຊ້ໄຟຟ້າປີໜື່ງ ປະມານ 7 ລ້ານກວ່າ ກິໂລວັດໂມງ ຄິດເປັນເງິນ ປະມານ 3,9 ຕື້ກີບຕໍ່ປີ, ຈໍານວນດອກໄຟທັງໝົດທີ່ຖືກປ່ຽນຖ່າຍ 4,793 ດອກ ຜ່ານການຕິດຕາມເຫັນວ່າ ພະລັງງານ ທີ່ຊົມໃຊ້ໃນ ໂຮງໝໍຜົນໄດ້ຮັບເຫັນວ່າ ຊົມໃຊ້ພະລັງງານຫຼຸດລົງ ໃນ 6 ເດືອນ ປະມານ 9%, ແສງສະຫວ່າງ ແຈ້ງກວ່າເກົ່າ, ດອກໄຟບໍ່ແຜ່ຄວາມຮ້ອນ, ສາມາດຫຼຸດຜ່ອນຄ່າ Co2  ໄດ້: 249,175 kgCO2/ປີ. ຈາກຜົນງານຂ້າງເທີງ ເຫັນໄດ້ວ່າ ດອກໄຟທີ່ຖຶກປ່ຽນຖ່າຍອອກ ຖ້າຫາກ ມີການກຳຈັດບໍ່ຖືກວິທີແມ່ນຈະມີຜົນຕໍ່ກັບສຸຂະພາບໄດ້ ເປັນຕົ້ນ: ເຈັບຫົວ, ໝົດສະຕິ ແລະ ເປັນສານກໍ່ມະເຮັງ ເປັນຕົ້ນ, ຈາກບັນຫາດັ່ງກ່າວ ທາງ ຜູ້ບໍລິຫານຂອງ ຟຟລ ຈື່ງເຫັນໄດ້ຜົນຮ້າຍທີ່ອາດຕາມມາ ຈື່ງໄດ້ມີເຄື່ອງທໍາລາຍດອກໄຟດັ່ງກ່າວ ທີ່ຖຶກວິທີ,  ພ້ອມນີ້ເຮົາຍັງມີທີມງານທີ່ມີຄວາມຊໍານານໃນການຈັດຕັ້ງປະຕິບັດ ມັນເລີຍຈຳເປັນທີ່ຈະຕ້ອງມີ ງານທໍາລາຍດອກໄຟໃນມື້ນີ້.