ລັດຖະມົນຕີກະຊວງພະະລັງງານ ແລະ ບໍ່ແຮ່ ລົງຊີ້ນຳວຽກງານຝ່າຍປະຕິບັດການໄຟຟ້ານະຄອນຫຼວງ

08-05-2020.



ໃນຕອນເຊົ້າຂອງວັນທີ 07 ພືດສະພາ 2020,   ທ່ານ ປອ ຄໍາມະນີ ອິນທະລາດ ລັດຖະມົນຕີກະຊວງພະລັງງານ ແລະ ບໍ່ແຮ່  ພ້ອມດ້ວຍຄະນະ ໄດ້ລົງຊຸກຢູ້ວຽກງານຢູ່ ສໍານັກງານໃຫຍ່ ຝ່າຍປະຕິບັດການໄຟຟ້ານະຄອນຫຼວງ  ໂດຍການຕ້ອນຮັບຂອງ ທ່ານ ບຸນອູ້ມ ສີວັນເພັງ ຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ ມີຄະນະຝ່າຍ, ຄະນະຫ້ອງການ, ຫົວໜ້າໂຄງການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ຈຸດປະສົງ ຂອງການລົງຊຸກຢູ້ ແລະ ເຮັດວຽກໃນຄັ້ງນີ້ ເພື່ອກວດກາຕິດຕາມ ແລະ ນຳພາ ຊີ້ນຳການຈັດຕັ້ງປະຕິບັດໜ້າທີ່ວຽກງານໃນຂົງເຂດໄຟຟ້ານະຄອນຫຼວງ ເພື່ອໃຫ້ມີຄວາມຮັບປະກັນໃນການສະໜອງໄຟຟ້າຮັບໃຊ້ສັງຄົມໂດຍ ເພາະນະຄອນຫຼວງວຽງຈັນ ເປັນສູນກາງທາງດ້ານການເມືອງ ເສດຖະກິດ ວັດທະນາທໍາ ແລະ ສັງຄົມ ຂອງປະເທດ ມີບາງຕອນ ທ່ານ ປອ ຄໍາມະນີ ອິນທະລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ໄດ້ກ່າວວ່າ ໂດຍລວມແລ້ວ ທ່ານໄດ້ຍ້ອງຍໍຊົມເຊີຍ ແລະ ຕີລາຄາສູງຕໍ່ຜົນສຳເລັດ ທີ່ໄຟຟ້າລາວ ໄດ້ປະກອບສ່ວນວຽກງານຂອງຕົນຢ່າງຕັ້ງໜ້າ ເປັນຕົ້ນຄະນະບໍລິຫານ ພະນັກງານ ກຳມະກອນ ທຸກຄົນໄດ້ເອົາໃຈໃສ່ໃນໜ້າວຽກຂອງຕົນໃນໄລຍະຜ່ານມາ. ພ້ອມເນັ້ນ ທ່ານຍັງໄດ້ ຢ້ຳຕື່ມໃຫ້ທຸກສູນບໍລິການສ້ອມແປງໄຟຟ້າສຸກເສີນແຕ່ລະສູນໃຫ້ເອົາໃຈໃສ່ຕື່ມໃນການແກ້ໄຂໄຟຕົກໄຟມອດໃຫ້ກັບຄືນສູ່ສະພາບປົກກະຕິໂດຍໄວ, ພະນັກງານຈົດໄຟໃຫ້ຫຼີກລ້ຽງການຈົດໄຟຜິດ ເພື່ອບໍ່ໃຫ້ມີຫາງສຽງຈົ່ມວ່າຈາກຜູ້ຊົມໃຊ້ໄຟຟ້າ  ແລະ ໃຫ້ສືບຕໍ່ປັບປຸງແກ້ໄຂບັນດາຈຸດອ່ອນຂໍ້ຄົງຄ້າງ, ເພີ່ມທະວີການປະຊາສຳພັນກ່ຽວກັບການຈັດຕັ້ງປະຕິບັດລາຄາໄຟຟ້າໃໝ່ ເພື່ອໃຫ້ຜູ້ຊົມໃຊ້ໄຟຟ້າໄດ້ຮັບຊາບ ແລະ ເຂົ້າໃຈຖືກຕ້ອງຕາມແນວທາງນະໂຍບາຍຂອງລັດຖະບານ. ພ້ອມດຽວກັນ ທ່ານ ລັດຖະມົນຕີກະຊວງພະລັງງານ ແລະ ບໍ່ແຮ່ ກໍ່ໄດ້ໄປຢ້ຽມຊົມຫ້ອງເກັບກຳຂໍ້ມູນ ແລະ ຫ້ອງຄວບຄຸມລະບົບ ຂອງໂຄງການ ໝໍ້ນັບໄຟທັນສະໄໝ  (Smart Meter Project) ແລະ  ຫ້ອງການປະຕິບັດວຽກງານການບໍລິການຮັບສາຍດ່ວນ callcenter 1199.



rolex replica
replica rolex
replica uhren
replica watches