ພີທີເປີດ ແລະ ສະເຫຼີມສະຫລອງຜົນສຳເລັດການກໍ່ສ້າງເຂືີ່ອນໄຟຟ້ານ້ຳງື່ມ1 ພາກຂະຫຍາຍ ຈັກເບີ 7-8 ຂື້ນຢ່າງເປັນທາງການ

28-05-2018.



         ໃນວັນທີ 28 ພຶດສະພາ 2018 ຢູ່ທີ່ບ້ານແສງສະຫວ່າງ ເມືອງແກ້ວອຸດົມ ແຂວງວຽງຈັນ ໄດ້ມີພີທີເປີດ ແລະ ສະເຫຼີມສະຫລອງຜົນສຳເລັດການກໍ່ສ້າງເຂື່ອນໄຟຟ້ານ້ຳງື່ມ1 ພາກຂະຫຍາຍ ຈັກເບີ 7-8 ຂື້ນຢ່າງເປັນທາງການ ໂດຍການເປັນປະທານຂອງທ່ານ ປອ ຄຳມະນີ ອິນທິລາດ ລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ວີດົງ ໄຊຍະສອນ ເຈົ້າແຂວງ ແຂວງວຽງຈັນ, ທ່ານ ຫວັງ ຊີຮຸ່ຍ ທີ່ປຶກສາວຽກງານເສດຖະກິດການຄ້າ ສະຖານທູດຈີນ ປະຈຳລາວ, ທ່ານ ບຸນປອນ         ສີສຸລາດ ປະທານກຳມາທິການເສດຖະກິດ ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ, ທ່ານ ບຸນອູ້ມ ສີວັນເພັງ ຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ, ມີອຳນາດການປົກຄອງຂັ້ນແຂວງ     ແລະ ແຂກທີ່ຖືກເຊີນເຂົ້າຮ່ວມ.   ເຂື່ອນໄຟຟ້ານ້ຳງື່ມ 1 ພາກຂະຫຍາຍ ຈັກເບີ 7-8 ມີກຳລັງຕິດຕັ້ງທັງໝົດ 80 MW ໄດ້ເລີ່ມລົງມືການກໍ່ສ້າງໃນວັນທີ 1 ພືດສະພາ 2015 ມີໄລຍະການມືກໍ່ສ້າງທັງໜົດ 36 ເດືອນ ສຳເລັດ. ເຂື່ອນໄຟຟ້ານ້ຳງື່ມ 1 ພາກຂະຫຍາຍ ຈັກເບີ   7-8 ນີ້ເປັນໂຄງການໜື່ງທີ່ມີຄວາມສຳຄັນ ຊື່ງກຳນົດໃນແຜນແມ່ບົດຂອງການພັດທະນາລະບົບໄຟຟ້າ ຢູ່ໃນ ສປປລາວ ໄລຍະນີ້ຮອດປີ 2020 ແລະ ໂຄງການນີ້ ຈະສະໜອງພະລັງງານໄຟຟ້າຮັບໃຊ້ໃຫ້ ແຂວງ ວຽງຈັນ ແລະ ນະຄອນຫຼວງວຽງຈັນ ໃຫ້ຮັບປະກັນ ແລະ ມີປະສິດທິຜົນດີຂື້ນ ພ້ອມນີ້ກໍເປັນການສ້າງແຫຼ່ງລາຍຮັບ, ສ້າງວຽກເຮັດງານທຳ ແລະ ຍົກລະດັບຊີວິດ ການເປັນຢູ່ຂອງພໍ່ແມ່ປະຊາຊົນບໍລິເວນໂຄງການ ແລະ ທ້ອງຖິ່ນຂື້ນຕື່ມໃນລະດັບໜື່ງທີ່ແນ່ນອນ. ຫລັງຈາກນັ້ນໃນຕອນທ້າຍຂອງພິທີ ໄດ້ມີພິທີປູກຕົ້ນໄມ້ໃນຂອບເຂດ ພື້ນທີ່ຂອງເຂື່ອນ ແລະ   ປ່ອຍປາ ລົງສູ້ສາຍແມ່ນ້ຳງື່ມອີກດ້ວຍ.