ພິທີເປີດ ການແຂ່ງຂັນກິລາມິດຕະພາບ ປະຈຳປີ 2018 ລະຫວ່າງ ລັດວິສາຫະກິດໄຟຟ້າລາວ ແລະ ການໄຟຟ້າຝ່າຍຜະລິດແຫ່ງປະເທດໄທ

12-02-2018.



         ເພື່ອເປັນການສ້າງສາຍພົວພັນທີ່ມີຍາວນານໃຫ້ແໜ້ນແຟ້ນຂື້ນ ໃນລະຫວ່າງວັນທີ 1-3  ກຸມພາ 2018 ທີ່ຜ່ານມາ ໄດ້ມີການຈັດການແຂ່ງຂັນກິລາມິດຕະພາບຂື້ນ ລະຫວ່າງລັດວິສາຫະກິດໄຟຟ້າລາວ ແລະ ການໄຟຟ້າຝ່າຍຜະລິດແຫ່ງປະເທດໄທ ທີ່ເດີນກິລາມະຫາວິທະຍາໄລຂ່ອນແກ່ນ ຊື່ງການຈັດງານໃນຄັ້ງນີ້ທາງການໄຟຟ້າຝ່າຍຜະລິດແຫ່ງປະເທດໄທ ໄດ້ຮັບກຽດເປັນເຈົ້າພາບ, ໂດຍການເປັນປະທານຂອງ ທ່ານ ສືບຜົງ ບູລະນະສິລິນ ຮອງຜູ້ວ່າການ ກິດຈະການສັງຄົມ ໄຟຟ້າຝ່າຍຜະລິດແຫ່ງປະເທດໄທ,ໂດຍການເປັນປະທານຮ່ວມໂດຍ ທ່ານ ດວງສີ ພາຣາຍົກ ຮອງຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ, ພ້ອມດ້ວຍຄະນະ, ນັກກິລາ ແລະ ກອງເຊຍຂອງທັງສອງການໄຟຟ້າກໍ່ເຂົ້າຮ່ວມຢ່າງພ້ອມພຽງ. ຈຸດປະສົງໃນການຈັດງານໃນຄັ້ງນີ້ກໍ່ເພື່ອເປີດໂອກາດໃຫ້ພະນັກງານວິຊາການທັງສອງຝ່າຍໄດ້ມີໂອການແລກປ່ຽນຄວາມຮູ້ ແລະ ຖອດຖອນບົດຮຽນຊື່ງກັນ ແລະ ກັນ ທາງດ້ານເຕັກນິກວິຊາການ ແລະ ພ້ອມດຽວກັນນັ້ນກໍ່ເພື່ອເປັນການຊຸກຍູ້ສົ່ງເສີມໃຫ້ພະນັກງານທັງສອງຝ່າຍໃຫ້ເປັນນ້ຳໜື່ງໃຈດຽວກັນ ແລະ ເພື່ອສ້າງຄວາມສາມັກຄີໃຫ້ພະນັກງານທັງ 2 ການໄຟຟ້າໃຫ້ແໜ້ນແຟ້ນຂື້ນ ການແຂ່ງຂັນໃນຄັ້ງນີ້ແບ່ງອອກເປັນ 4 ປະເພດຄື: ກິລາບານເຕະຊາຍ, ກິລາຕີກ໋ອບ, ກິລາເປຕັງ ແລະ ກິລາແບັດບິນ