ກອງປະຊຸມໃຫຍ່ຜູ້ແທນ ຄະນະພັກຮາກຖານ ຟຟລ ຄັ້ງທີ IV

31-08-2020.



ໃນວັນທີ 31 ສິງຫາ 2020 ທີ່ຫ້ອງປະຊຸມໃຫຍ່ ລັດວິສາຫະກິດໄຟຟ້າລາວ ໄດ້ເປີດກອງປະຊຸມໃຫຍ່ຜູ້ແທນຄະນະພັກຮາກຖານ ຟຟລ ຄັ້ງທີ IV ຂຶ້ນຢ່າງເປັນທາງການ ໂດຍການເປັນປະທານຂອງ ສະຫາຍ ປອ ຄໍາມະນີ ອິນທິລາດ ກຳມະການສູນກາງພັກ  ເລຂາຄະນະພັກກະຊວງ , ລັດຖະມົນຕີກະຊວງພະລັງງານ ແລະ ບໍ່ແຮ່, ສະຫາຍ ຈັນທະບູນ ສຸກອາລຸນ ວ່າການເລຂາຄະນະພັກຮາກຖານ ຟຟລ, ວ່າການຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ, ສະຫາຍ ນາງ ສາຍສະຫວັນ ສຸດາຈັນ ຕາງໜ້າອົງການຈັດຕັ້ງມະຫາຊົນ ຟຟລ ມີຕາງໜ້າໜ່ວຍພັກທີ່ເປັນຜູ້ແທນຜູ້ແທນສົມບູນເຂົ້າຮ່ວມທັງໝົດ 24 ໜ່ວຍພັກ ແລະ ແຂກຖືກເຊີນເຂົ້າຮ່ວມ. ໃນກອງປະຊຸມ ຄະນະຈັດຕັ້ງພິທີ ໄດ້ຜ່ານຂໍ້ຕົກລົງຂອງຄະນະພັກກະຊວງພະລັງງານ ແລະ ບໍ່ແຮ່ ວ່າດ້ວຍການອະນຸມັດເປີດກອງປະຊູມໃຫ່ຍ ຄັ້ງທີ IV ຂອງຕົນ. ຈາກນັ້ນ, ສະຫາຍ ຈັນທະບູນ ສຸກອາລຸນ ວ່າການເລຂາຄະນະພັກຮາກຖານ ຟຟລ, ວ່າການຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ ໄດ້ຂຶ້ນກ່າວເປີດກອງປະຊຸມຢ່າງເປັນທາງການ ແລະ ກອງປະຊຸມໄດ້ຜ່ານ ແລະ ພິຈາລະນາ, ຮັບຮອງເອົາບົດລາຍງານການເມືອງຂອງຄະນະຮາກຖານ ຂອງ ຟຟລ, ຜ່ານບົດສະຫຼຸບແຜນພັດທະນາເສດຖະກິດ-ສັງຄົມໃນໄລຍະຜ່ານມາ ແລະ ແຜນພັດທະນາເສດຖະກິດສັງຄົມ 05 ປີ ຄັ້ງທີ IX (2021-2025), ຜ່ານບົດສໍາຫຼວດການນໍາພາລວມນັບແຕ່ກອງປະຊຸມໃຫຍ່ຄັ້ງທີ III ຈົນມາຮອດກອງປະຊຸມໃຫຍ່ຄັ້ງນີ້. ນອກນັ້ນ, ກອງປະຊຸມໃນຄັ້ງນີ້ຈະເປັນການກໍານົດທິດທາງການດໍາເນີນງານຂອງ ຟຟລ ໃນຍຸກທີ່ຕ້ອງການໃຫ້ມີການປ່ຽນແປງ ແລະ ປັບປຸງ ເພື່ອເຮັດໃຫ້ ຟຟລ ກາຍເປັນວິສາຫະກິດທີ່ມີຜົນກຳໄລ ຄຽງຄູ່ກັບການເປັນເຈົ້າການ ໃນການເຮັດໜ້າທີ່ການເມືອງຂອງພັກເຊິ່ງລ້ວນແຕ່ມີຄວາມສຳຄັນ ແລະ ຕ້ອງການນໍາພາຈາກນັ້ນຄະນະພັກຮາກຖານຊຸດເກົ່າ ໄດ້ກ່າວອໍາລາຈາກໜ້າທີ. ຈາກນັ້ນ, ກອງປະຊຸມໄດ້ດຳເນີນການປ່ອນບັດເລືອກຕັ້ງເອົາຄະນະພັກຮາກຖານຊຸດໃໝ່ ຊຸດທີ IV ແລະ ກອງປະຊຸມຕັ້ງປະຖົມມະລຶກໄດ້ເປີດຂຶ້ນຢ່າງເປັນທາງການ ແລະ ເປັນເອກະພາບຮັບຮອງເອົາ.

     ຄະນະປະຈໍາພັກ

1.    ສະຫາຍ ຈັນທະບູນ ສຸກອາລຸນ            

2.    ສະຫາຍ ຟອງປະສິດ ເພັດສີສຸກ                 

3.    ສະຫາຍ ຈັນສົມ ພິພາລົມ                      

     ຄະນະພັກຮາກຖານ

1.    ສະຫາຍ ຈັນທະບູນ ສຸກອາລຸນ                          ເປັນເລຂາຄະນະພັກຮາກຖານ

2.    ສະຫາຍ ຟອງປະສິດ ເພັດສີສຸກ                        ເປັນຮອງເລຂາຄະນະພັກຮາກຖານ

3.    ສະຫາຍ ໂກ້ມົນຈັນ ເພັດອາສາ                         ເປັນຮອງເລຂາຄະນະພັກຮາກຖານ

4.    ສະຫາຍ ຈັນສົມ ພິພາລົມ                              ເປັນປະທານກວດກາພັກ

5.    ສະຫາຍ ວິລະພອນ ວິຊຸນນະລາດ                      ເປັນຮອງປະທານກວດກາ

6.    ສະຫາຍ ຄໍາພູນ ສຸກອາລຸນ                             ເປັນຄະນະ

7.    ສະຫາຍ ບຸນເອື້ອ ສີວັນເພັງ                            ເປັນຄະນະ

8.    ສະຫາຍ ໂພໄຊ ພົມມະທຳ                              ເປັນຄະນະ

9.    ສະຫາຍ ແກ້ວວົງສຸກ ສຸລິຍະເດດ                     ເປັນຄະນະ

10.   ສະຫາຍ ຄູນ ບົວແພງພັນ                            ເປັນຄະນະ

11.   ສະຫາຍ ເຄນ ເທບວົງສາ                              ເປັນຄະນະ

12.   ສະຫາຍ ປອ ເພັດສະໝອນ ພອນວິໄລສັກ          ເປັນຄະນະ

13.   ສະຫາຍ ວົງດາລາ ສີສະແຫວງສຸກ                    ເປັນຄະນະ

      ໃນຕອນທ້າຍຂອງກອງປະຊຸມໄດ້ຮັບຟັງການໂອ້ລົມຂອງ ສະຫາຍ ປອ ຄໍາມະນີ ອິນທິລາດ ກໍາມະການສູນກາງພັກ ເລຂາຄະນະພັກກະຊວງ ລັດຖະມົນຕີກະຊວງພະລັງງານ ແລະ ບໍ່ແຮ່ ເພື່ອເປັນທິດທາງໃນການຜັນຂະຫຍາຍໃນພາກປະຕິບັດຕົວຈິງໃຫ້ມີປະສິດທິພາບຍິ່ງຂຶ້ນ ແລະ ພິທີກໍ່ໄດ້ປິດລົງໃນເວລາ 16:15 ນາທີ ຂອງວັນດຽວກັນດ້ວຍຜົນສໍາເລັດອັນຈົບງາມ.